2 Bõsbudạ 6:1 - সান্তালী বাইবেল

^1-2 Unre Solomone menkeda, “E Probhu Isor, am do rimil talarem tahena mentem menleda. Iń do ńitokʼ am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼ hoyokʼa.”

2 Bõsbudạ 6:1 Referans Kwoze

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Exodus 20:21

Hoṛko do sạṅgińreko teṅgo tahẽyena ar Mose do Isor ṭhen ona dhund rimil secʼe rakapʼ calaoena.

Ibriko 12:18

Okaṭakʼ jolokʼkan buru joṭetʼ daṛekokʼ ona lekan buru ṭhen do bape hecʼakana. Ape do kaṛaṅ kucạṅ ńut ar birbão se jãhãn sakwa reakʼ saḍe ar katha reakʼ aṛaṅ ṭhen hõ bape hecʼakana.

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Sereńko 97:2

Rimil ar ńut do uni beṛhaete esetʼ ạcur akana; dhorom ar hok bicạr do uniyakʼ siṅghạson reakʼ rehetʼkana.

Dosar Biboron 4:11

Unre ape do ona buru latarre senkatepe teṅgolena; ar ńutte esetʼ akan buru ar dhundte perecʼ rimil do serma hạbicʼ jolokʼkan tahẽkana.