2 Bõsbudạ 5:7 - সান্তালী বাইবেল

⁷ Ona tayom naekeko do Probhu Isorakʼ bondobos sinduk do niṭ akatʼ ṭhạ̃ire, koejoṅ oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

2 Bõsbudạ 5:7 Referans Kwoze

Sereńko 132:8

E Probhu Isor, ma beretʼme, amakʼ jirạukʼ ṭhạ̃ite hijukʼme; dela hijukʼme, ar amakʼ daṛeanakʼ sinduk hijukʼma.

2 Bõsbudạ 4:20

ar okaleka lại hoylen onkage sonot utạrakʼ jaega samaṅre jered lạgitʼ khạṭi sona reakʼ diuhe dohowakʼ ar ona reakʼ diuheko;

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

2 Bõsbudạ 5:4

Israelren sanam murubbikoko jarwayen khan Liwiko do sindukko gokʼkeda.

2 Bõsbudạ 5:6

Solomon raj ar uni ṭhenko jarwa akan sanam Israelko do sinduk samaṅre nunạkʼ bheḍa ar ḍaṅgrako samaṅketʼkoa, onko do bako lekha daṛeatʼkoa.

2 Bõsbudạ 5:8

Onate Kerubkinakʼ lap lapa akan phạ̃kṛạ̃kʼte sinduk ar ona gokʼ ạguakʼ ḍaṅkin do danaṅge tahẽyena.

2 Bõsbudạ 6:11

Ar onḍe do Probhu Isorakʼ goha sinduk dohoakada one onare Israelko reakʼ bondobos menakʼ.”

Jeheskel 41:4

Ona tayom uni do bhitri kandhae jokhakeda; ona do jeleńte bargel moka ar osarte bargel moka tahẽkana. Uni do ińe metadińạ, “Noa do sonot utạrakʼ ṭhạ̃i kana.”

2 Bõsbudạ 35:3

Liwiko, okoe do sanam Israelkoko cetʼako kan tahẽkan ar Probhu Isor ńutumte okoe doko begar ocolen uni do okoe metatʼkoa, “Israelren raj Dạudren hopon Solomon do okaṭakʼ mundile benaoletʼ tahẽkan onḍe ape do sonotakʼ sindukpe dohokakʼa. Ona do tarenre ar baṅ gokʼ lagaoapea. Ńitokʼ ape do aperen Probhu Isor ar uniren hoṛko sapʼ sorakope.