2 Bõsbudạ 5:2 - সান্তালী বাইবেল

² Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

2 Bõsbudạ 5:2 Referans Kwoze

2 Samuel 6:12

Dạud raj doe ańjom ńamkeda je Isorakʼ sinduk Obed-Idomakʼ oṛakʼre tahẽkan iạte Probhu do uniyakʼ oṛakʼren sanamko ar uniyakʼ sanamakʼkoe bhorada.

2 Bõsbudạ 1:4

Menkhan Isorakʼ sinduk do Jerusalemre tahẽkana, ente Dạud do Kiriat-Jiạrim khon onae ạguketʼte Jerusalemre okaṭakʼ tạmbui beretʼletʼ onḍegeye dohokeda.

Sereńko 87:2

Jakob bõsren eṭakʼ sanam tahen ṭhạ̃i khon uni do Sion reakʼ phaṭok duạrkogeye kusiyada.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

2 Bõsbudạ 5:1

Nonkate Solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Onako uni do Isorakʼ oṛakʼ reakʼ dhon bhanḍarreye dohokada.

1 Bõsbudạ 28:1

Dạud do Israelren sanam kạmiyạko Jerusalemre hijukʼ lạgitʼe hukumatʼkoa. Onate sanam lạṛhại birko hecʼlena. Onko doko tahẽkana eṭakʼ eṭakʼ khũṭren mukhiạko, rajren gelbar goṭen lạṛhại phạdkoren senapotiko, hajar ar saeko cetanren senapotiko, raj ar rajren hoponkoakʼ sompotti ńel todarotko hoṛko, raj oṛakʼren kạmiyạko ar lạṛhại birko.

1 Bõsbudạ 26:26

Dạud raj do Israelren eṭakʼ eṭakʼ mukhiyạko, hajar ar sae cetanren subedarko ar maraṅ subedarko okaṭakʼ jinisko Isor ńutumteko begar doholetʼ Solomoth ar uni bõsren hoṛko do onako jinis reakʼ bhanḍarko ńel todarotetʼ tahẽkana.

1 Bõsbudạ 24:31

Noko hõ Dạud raj, Sadok, Ahimelok ar naeke ar Liwikoakʼ bõsren mukhiyạko samaṅre onkoren boehako, metakʼme Aron bõsren hoṛko lekako gulibãṭleda. Ar baṅ do maraṅicʼ boeha kane baṅ do huḍińicʼ boeha kane onko sanamko lạgitʼ inạ mitʼ lekageko gulibãṭleda.

1 Bõsbudạ 24:6

Raj ar uniren maraṅ hudạren kạmiyạko samaṅre ar naeke Sadok, Abiạthorren hopon Ahimelok, naeke bõsren mukhiyạko ar Liwiko samaṅre Nathanielren hopon Somoyiạ ńutuman mitʼṭen Liwi olokʼicʼ do gulibãṭ lekate onko mukhiyạkoakʼ ńutum do tạlikareye ol caṛhaoletʼtakoa. Ar pạli pạlikate Eliaserren eṭakʼ eṭakʼ bõsko mod khon mitʼ hoṛ ar ona tayom do Ithamorren eṭakʼ eṭakʼ bõsko mod khon mitʼ hoṛ lạgitʼ gulibãṭ hoyena.

1 Bõsbudạ 16:1

Probhu Isorakʼ sinduk ạgukate ona do Dạude beretʼakatʼ tạmbureko dohokeda. Ar inạ tayom do Isor samaṅre jeredokʼakʼ samaṅakʼ ar sulukren samaṅakʼko samaṅkeda.

1 Bõsbudạ 15:25

Inạ tayom Dạud do, Israelkoren murubbiko ar lạṛhại phạdkoren hajarko cetanren subedarko rạskạ salakʼ Obed-Idomakʼ oṛakʼ khon Probhu Isorakʼ ona bondobos sinduk ạgui lạgitʼko calaoena.

1 Bõsbudạ 15:12

Uni do onkoe metatʼkoa, “Ape do Liwi gusṭikoren judạ judạ bõsren mukhiyạko kanape; ape ar aperen sãoten Liwiko do Isor ńutumte apnartetʼpe begar dohokʼa, jemon oka ṭhạ̃iyiń sapṛao dohoakatʼ ona ṭhạ̃ire Israelren Probhu Isorakʼ sinduk ạgukatepe doho daṛeakʼ.

2 Samuel 5:7

Menkhan Dạud do Sion reakʼ gaṛe hatkeda; onate ona do Dạud nagrahako ńutumkeda.

Numeri 10:36

Ar ona rimil tinre teṅgo thirokʼkan tahẽkana unre Moseye menetʼ tahẽkana, “E Probhu Isor, ojut ojut Israelko ṭhen hecʼ ruạṛokʼme baṛe.”

Numeri 10:33

Nonkate Israelko do Probhu Isorakʼ buru khonko mohnḍayente pe din reakʼ horko sen idiyena. Ar jirạukʼ lạgitʼ mitʼṭecʼ jaega sendra ńam lạgitʼ Probhu Isorakʼ bondobos sinduk do pe din hạbicʼ onko laha lahate sen idiyena.

Levitikus 9:5

Onko do Moseyakʼ hukum leka ńapamokʼ tạmbu samaṅre jotowakʼ jinisko ạgukeda ar sanam Israelko do Probhu Isor samaṅreko teṅgoyena.

1 Bõsbudạ 15:1

Dạud nagrahare acʼ lạgitʼ oṛakʼ duạre benao sạtketʼ tayom Dạud do Isorakʼ sinduk lạgitʼ mitʼṭecʼ ṭhạ̃iye ṭhikketʼte onḍe mitʼṭecʼ tạmbui ṭaṅgaokeda.

1 Bõsbudạ 15:3

Ar Probhu Isorakʼ sinduk lạgitʼ Dạud okare ṭhạ̃iye ṭhik dohoakatʼ tahẽkan onḍe ạgui lạgitʼ uni do sanam Israelko mitʼ ṭhene jarwaketʼkoa.