2 Bõsbudạ 5:10 - সান্তালী বাইবেল

¹⁰ Israelko Misor disạm khonko oḍok hecʼen tayom Horeb burure Probhu Isor do onko lạgitʼ tinre bondobose bandhaokeda unre Mose okakin dhiri cạkti do sinduk bhitrireye doholetʼ ona chaḍa ar cetʼge onare do ar baṅ tahẽkana.

2 Bõsbudạ 5:10 Referans Kwoze

Ibriko 9:4

Noa hạṭińre dhup jered lạgitʼ sona reakʼ pinḍ ar bondobos reakʼ sunduk tahẽkana. Ona sunduk do beṛhaete sonate tolakatʼ tahẽkana. Ar ona cetanre sona reakʼ bhajanre dohoakatʼ Manna, ar Aronakʼ oka ṭheṅgare baha bhoṭokʼlen ona ṭheṅga, ar bondobos olakʼ dhiri reakʼ barea paṭa.

2 Bõsbudạ 6:11

Ar onḍe do Probhu Isorakʼ goha sinduk dohoakada one onare Israelko reakʼ bondobos menakʼ.”

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Dosar Biboron 29:1

Probhu Isor do Horeb burure Mose hotete Israelko lạgitʼ mitʼṭecʼ bondobose doholeda, noako do ona bondobos reakʼ katha kana okaṭakʼ do Moab disạmre Mose Israelko lạgitʼ bondobos bandhao lạgitʼe metade tahẽkana.

Exodus 40:20

Ona tayom Mose do goha paṭa banar hataokate sinduk bhitrireye dohokeda ar sindukre ḍaṅkine hurạṛkada ar ona cetanre do ḍhalwakʼe dohokeda.

Exodus 34:1

Inạ tayom Probhu Isor do Moseye metadea, “Pạhilakʼ dhiri cạktikin leka arhõ benaome. Ar amakʼ rạputʼakʼ dhiri cạktikinre okako katha ol tahẽkan niạ nãwã dhiri cạktikinre hõ onkageń olama.

Exodus 32:19

Ona tayom Mose do ḍera sore senen khan uni mĩhũ ar hoṛko enejokʼkane ńelketʼkoa. Ona ńelte Mose do edreteye seṅgelena ar ti reakʼ dhiri cạkti kine tawakʼkeda. Onate ona dhiri cạktikin do buru latarte ńurente rạputʼena.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.