2 Bõsbudạ 4:7 - সান্তালী বাইবেল

^7-8 Ar okaleka roṛlen onkage uni do gel goṭecʼ sona reakʼ diuhe dohowakʼe benao ocoketʼte koejoṅ oṛakʼ talare dạkhin secʼre mõṛẽ goṭecʼ ar utạr secʼre mõṛẽ goṭecʼe dohokeda. Ona chaḍa uni do gel goṭecʼ ṭebile benao ocoketʼte koejoṅ oṛakʼ bhitrire mõṛẽ goṭecʼ do dạkhinre ar eṭakʼ mõṛẽ goṭecʼ do utạrreye dohokeda. Uni do mitʼsae sona reakʼ bạṭiko hõe benao ocokeda.

2 Bõsbudạ 4:7 Referans Kwoze

1 Rapajko 7:49

khạṭi sona reakʼ diuhe dohowakʼ ar onako do sonot utạrakʼ jaegare tahẽkana, jojomsa aṛere mõṛẽ goṭecʼ ar leṅgasa aṛere mõṛẽ goṭecʼ; sona reakʼ baha, diuhe ar cimtạ;

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

1 Bõsbudạ 28:12

Probhu Isorakʼ oṛakʼ reakʼ bakher raca, ona beṛhaeteakʼ kandhako, Isorakʼ oṛakʼ reakʼ khajańciko ar samaṅokʼ jinisko dohoy reakʼ oka noksa Sonot jiu do Dạud ṭhene sodorletʼ ona do jotoge Solomone baḍae ocokedea.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

Ibriko 8:5

Naeke lekate onkoakʼ noa kạmi do serma kạmi reakʼ mitʼṭecʼ nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru cetanre okako nạmunań udukʼatʼme ṭhik onka lekage jotowakʼem benao.”

1 Bõsbudạ 28:19

Dạude menkeda, “Probhu Isor iń ṭhen okaṭakʼ nạmunae sodorletʼ tahẽkan uniyakʼ ạyurte iń do onań akaokeda, ar ona nạmuna reakʼ khạṭi-nạṭi bujhạu reakʼ akel do uniye emadiń tahẽkana.”

1 Bõsbudạ 28:15

Mitʼke mitʼ sona reakʼ diuhe dohowakʼ ar diuheko lạgitʼ tinạkʼ sona ar beohar lekate mitʼke mitʼ rupạ reakʼ diuhe dohowakʼ ar diuheko lạgitʼ tinạkʼ rupạ lagaokʼa ona reakʼe hukumadea.

1 Rapajko 7:39

Uni do mundil oṛakʼ reakʼ dạkhin secʼ mõṛẽ goṭecʼ ar utạr secʼ mõṛẽ goṭecʼ gaṛsãoḍiye dohokeda; ar dạkhin purub konare do mitʼṭecʼ maraṅ okocʼ gamlae dohokeda.

1 Bõsbudạ 28:14

Eṭakʼ eṭakʼ sekʼwa kạmi lạgitʼ okako sona ar rupạ reakʼ jinisko beoharokʼ onako lạgitʼ uni do tinạkʼ sona ar rupạ jạruṛa onae hukumadea.