2 Bõsbudạ 4:6 - সান্তালী বাইবেল

⁶ Uni do gel goṭecʼ karaheye benao ocokeda ar mõṛẽ goṭecʼ do dạkhin secʼre ar mõṛẽ goṭecʼ do utạr secʼreye dohokeda. Onakore do jeredokʼ samaṅokʼakʼ jiniskoko ạrupʼ saphayetʼ tahẽkana, menkhan naekeko do ona maraṅakʼ karahege akoakʼ ti jaṅga ạbukokʼ lạgitʼko beoharetʼ tahẽkana.

2 Bõsbudạ 4:6 Referans Kwoze

1 Rapajko 7:38

Uni do mimitʼ gaṛsãoḍiko lạgitʼ mitʼṭecʼ kate pitạl reakʼ gel goṭecʼ gamlae benao ocokeda. Mimitʼ gamla reakʼ beṛ do pon moka osar tahẽkana ar onare irạl sae irạl gel liṭar dakʼ sahobokʼkan tahẽkana.

Jeheskel 40:38

Bahre raca reakʼ bhitri phaṭok duạrko reakʼ kham khunṭi aṛere mitʼ secʼ jhicʼ akatʼ mitʼṭecʼ kandha tahẽkana; ona do jeredokʼ samaṅokʼ janwarkoakʼ jel ạrupʼ ṭhạ̃i tahẽkana.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

1 Rapajko 7:40

Ona chaḍa uni do eṭakʼ eṭakʼ bhajanko, bạṭiko ar kạ̃ṛchuko hõe benaokeda. Nonkate Hiram do Probhu Isorakʼ oṛakʼ lạgitʼ Solomon raj hotete okako kạmiye ehopʼletʼ onae sạtkeda. Onako do hoyokʼkana:

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Ibriko 9:23

Okaṭakʼ do serma reakʼakʼko reakʼ nokolakʼkan onako do janwar dãṛẽ hotete saphakʼ reakʼ jạruṛ tahẽkana menkhan okaṭakʼ do asolrege serma reakʼakʼko kan onako saphakʼ lạgitʼ do arhõ maraṅ dãṛẽ jạruṛa.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

2 Bõsbudạ 4:2

Ona tayom uni do pitạl reakʼ chãńchreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda. Karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka ar kaṅkha beṛhaeteakʼ jokha do pegel moka tahẽkana.

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Exodus 29:4

Ona tayom Aron ar uniren hoponko do ńapamokʼ tạmbu reakʼ duạr ṭhenem idikoa ar dakʼtem ạbuk saphakoa.

Exodus 30:17

Ona tayom Probhu Isor do Moseye metadea,