2 Bõsbudạ 4:2 - সান্তালী বাইবেল

² Ona tayom uni do pitạl reakʼ chãńchreye dulketʼte dakʼ dohoy lạgitʼ maraṅ okocʼ mitʼṭecʼ gulạnḍge karaheye benao ocokeda. Karahe reakʼ kaṅkha khon kaṅkha hạbicʼ jokha do gel moka tahẽkana, khạndri do mõṛẽ moka ar kaṅkha beṛhaeteakʼ jokha do pegel moka tahẽkana.

2 Bõsbudạ 4:2 Referans Kwoze

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoketʼ bona. Sonot Jiu hotete nãwã janamte ar nãwã arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

2 Rapajko 25:13

Babelrenko do Probhu Isorakʼ oṛakʼ reakʼ pitạl tham khunṭi kin, pitạl reakʼ ganḍoko ar pitạl reakʼ maraṅakʼ luihạ do rạputʼ khanḍa khunḍikate Babelteko idikeda.

2 Bõsbudạ 4:3

Karahe reakʼ bahre secʼ beṛhaeteakʼ latarre mimitʼ moka reakʼ jaegare gel goṭecʼkate bar sạrte ḍaṅgrawakʼ muṭhạn tahẽkana. Okaṭakʼ chańch talare karahe benao hoylen ona chańch talarege ḍaṅgrakoakʼ muṭhạn tahẽkante jotoge mitʼṭecʼ jinisge hoyena.

Exodus 38:3

Ar pinḍ reakʼ jotowakʼ asbabko, metakʼme ṭukucʼko, kạ̃ṛchuko, chichiṭiạu lạgitʼ bạṭi, jel rakab lạgitʼ kãṭãko, bursiko noako jotoge pitạl reakʼe benaokeda.

Exodus 38:8

Uni do pitạl reakʼ mitʼṭecʼ bhajane benaokeda. Ar okoeko maejiu sapʼdapʼ kạmi lạgitʼ ńapamokʼ tạmbu reakʼ duạr ṭhenko hijukʼkan tahẽkan onkoakʼ pitạl reakʼ ạrsite ona bhajan ar ona reakʼ ganḍokoe benaokeda.

1 Bõsbudạ 18:8

Uni do Ṭibhot ar Kun ńutumanakʼ Hoddesorakʼ barea nagraha khon ạḍi utạr rupạkoe ạgukeda. Niạko rupạtege Solomon do maraṅ okocʼ karahe ar tham khunṭiko ar rupạ reakʼ eṭakʼ eṭakʼ jiniskoe benao ocokeda.