2 Bõsbudạ 4:1 - সান্তালী বাইবেল

¹ Solomon do bargel moka jeleń, bargel moka osar ar gel moka usul mitʼṭecʼ pitạl reakʼ pinḍe benao ocokeda.

2 Bõsbudạ 4:1 Referans Kwoze

1 Rapajko 8:64

Ar Solomon do enhilokʼge Probhu Isorakʼ oṛakʼ reakʼ samaṅ senakʼ raca reakʼ tala hĩs do Probhu Isor ńutumteye begar dohokeda ar onḍe uni do jeredokʼ samaṅokʼakʼ reakʼ porobe porobena ar sulukren samaṅokʼakʼ reakʼ itile samaṅkeda, ente pitạl reakʼ okaṭakʼ pinḍe benaoletʼ tahẽkan ona do jeredokʼ samaṅokʼakʼ ar anaj samaṅokʼakʼ ar itil samaṅokʼakʼ lạgitʼ do huḍińge tahẽkana.

2 Bõsbudạ 1:5

Menkhan Hurren goṛomtetʼ koṛa Urren hopon Botsolel do pitạl reakʼ okaṭakʼ pinḍe benao ocoletʼ tahẽkan ona do Gibiạnre Probhu Isorakʼ ḍera tạmbu samaṅre tahẽkana. Ona iạte Solomon ar sanam hoṛko do onḍeko senena.

1 Rapajko 9:25

Probhu Isor ńutumte Solomon do okaṭakʼ pinḍe benaoletʼ onḍe uni do bochorre pe dhao jeredokʼ samaṅokʼakʼ ar sulukren samaṅokʼakʼ porobe hoyocoyetʼ tahẽkana. Ona sãote uni do Probhu Isor samaṅre dhupko hõe jeretʼetʼ tahẽkana. Onate Solomon do, Salom mundil reakʼ joto kạmigeye sạt akatʼ tahẽkana.

1 Rapajko 8:22

Ona tayom Solomon do onḍe jarwa akan Israelko samaṅre Probhu Isorakʼ pinḍ ṭhen teṅgokate serma secʼ tiye tiyạrketʼtaea.

2 Bõsbudạ 8:12

Koejoṅ oṛakʼ reakʼ pinḍạ samaṅre Solomon do Probhu Isorakʼ oka pinḍe benaoletʼ tahẽkan ona cetanre Probhu Isorakʼ ńutumte jeredokʼ samaṅokʼakʼ porobe porobokʼkan tahẽkana.

2 Bõsbudạ 15:8

Asa do niạ katha ańjomkate, metakʼme Obedren hopon Asariạwakʼ nạbi katha ańjomkate dil hecʼadea. Uni do Jihudạ ar Benjạmin reakʼ goṭa ṭoṭha khon ehopʼkate ar acʼe ạidạriyan tahẽkan Ephrayim buru ṭoṭha reakʼ atoko ar nagrahako khon hirkhạwan murhutʼ boṅgakoe marao giḍikatʼkoa. Uni do Probhu Isorakʼ oṛakʼ reakʼ pinḍạ samaṅre dohoakan Probhu Isorakʼ pinḍ do arhõe benao arokeda.

2 Bõsbudạ 7:7

Solomon do Probhu Isorakʼ oṛakʼ reakʼ samaṅ senakʼ raca reakʼ tala hĩs do Probhu Isor ńutumteye begar dohokeda ar onḍe uni do jeredokʼ samaṅokʼakʼ reakʼ porobe porobena ar sulukren samaṅokʼakʼ reakʼ itile samaṅkeda, ente pitạl reakʼ okaṭakʼ pinḍe benaoletʼ tahẽkan ona do jeredokʼ samaṅokʼakʼ ar anaj samaṅokʼakʼ ar itil samaṅokʼakʼ lạgitʼ do huḍińge tahẽkana.

2 Bõsbudạ 29:18

Ona tayom onko do Hiskiạ raj ṭhen senkateko menkeda, “Ale do jeredokʼ samaṅokʼakʼ reakʼ pinḍ ar ona reakʼ bhajanko ar samaṅakʼ piṭhạ dohowakʼ ṭebil ar ona reakʼ jotowakʼ jinisko seletʼ Probhu Isorakʼ oṛakʼle sapha akada.