2 Bõsbudạ 34:9 - সান্তালী বাইবেল

⁹ Onko do maraṅ naeke Hiskiạ ṭhenko senena ar Isorakʼ oṛakʼte tinạkʼ ṭaka poesako ạgu hoylen, metakʼme rurukhiyạ Liwiko oka ṭaka poesa Manase ar Ephrayim gusṭirenko ṭhen khon ar Israelren sarecʼ sanam hoṛko ar Jihudạ ar Benjạmin gusṭiren hoṛko ar Jerusalemrenko ṭhen khon ạgulen ona do maraṅ naeke ṭhenko jimạkada.

2 Bõsbudạ 34:9 Referans Kwoze

2 Bõsbudạ 35:8

Rajren kạmiyạko hõ apan ạpin kusileka disomren hoṛko, naekeko ar Liwiko ńutumteko danketʼkoa. Hilkiạ, Sakariạ ar Jehiyel ńutuman Isorakʼ oṛakʼren mukhiyạko do bańcaokʼ porob reakʼ samaṅokʼakʼ lạgitʼ bar hajar turui sae merom ar bhiḍiko ar pe sae ḍaṅgrako naekekoko ematʼkoa.

2 Bõsbudạ 30:18

Ephrayim, Manasi, Isakar ar Sebulon gusṭiren ḍher hoṛkoge apnar saphako baṅkate niạm upạrte bańcaokʼ porob reakʼ bhojko jomkeda. Menkhan Hiskiạ do onko ńutumte koekateye menkeda, “Mundil reakʼ niạm lekate bako sapha akanre hõ enhõ okoe do onkoren hapṛamkoren Probhu Isorakʼ sana leka calakʼ lạgitʼko mon muruk akatʼ, onko sanamko jemon dayawạnicʼ Isor baṛeye ikạkako.”

2 Bõsbudạ 30:10

Khobor akʼsenko do Ephrayim ar Manase reakʼ sanam ato ar nagrahako ar Sebulon hạbicʼko senena, menkhan onḍenko hoṛ do onkoko landa-dhutʼatʼkoa.

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriyakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneyakʼpe.

2 Bõsbudạ 34:22

Unre Hilkiạ ar acʼ sãote raj okoekoe kolletʼko onko do niạ reaṅ baḍae lạgitʼ maejiu nạbi Hulda ṭhenko senena. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Salum do Hasraren goṛomtetʼ koṛa, metakʼme Toknatren hopone tahẽkana. Uni do Jerusalem reakʼ dosarakʼ ṭhạ̃ireye tahenkan tahẽkana.

2 Bõsbudạ 34:20

Uni do Hilkiạ, Saphanren hopon Ahikam, Mikaren hopon Abdon, Saphan ar rajren gokʼṛoyicʼ Asayateko niạ hukume ematʼkoa,

2 Bõsbudạ 34:18

Unre olokʼicʼ Saphan do niạ katha raje baḍae ocokedea, “Naeke Hilkiạ do mitʼṭecʼ puthiye emakawạdińa.” Ar niạ menkate Saphan do raje paṛhao ańjomadea.

2 Bõsbudạ 31:1

Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.

2 Rapajko 23:4

Unre raj do Bakʼal debota ar Asera ar sermaren ipilko ńutumte benaoakʼ sanam jinisko Probhu Isorakʼ oṛakʼ khon oḍok giḍikakʼ lạgitʼ maraṅ naeke Hilkiạ, ar huḍiń naekeko ar pahradarkoe hukumatʼkoa. Uni do Jerusalem bahre Kedron soḍokʼ reakʼ bilạn ṭạnḍire onakoe atar giḍikada ar torocʼko do Jerusalemteye idikeda.

2 Bõsbudạ 34:10

Ona tayom onako ṭaka do Probhu Isorakʼ oṛakʼ reakʼ kạmi ńel todarot lạgitʼ okoeko cetanre bhar tahẽkan onkoko ematʼkoa. Ar ńel todarotko do mundil oṛakʼ jut aroe lạgitʼ mistrikoko ematʼkoa,