2 Bõsbudạ 34:3 - সান্তালী বাইবেল

³ Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

2 Bõsbudạ 34:3 Referans Kwoze

2 Bõsbudạ 33:22

Uni do acʼren apat Manase lekage Probhu Isorakʼ mẽtʼre oka bạṛicʼakʼkan onageye kạmiyetʼ tahẽkana. Ar Manase okoe murhutʼkoe rokʼ benaoletʼko Amon do onkogeye sewawako kan tahẽkana ar janwarko hõe dãṛẽyetʼko tahẽkana.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

2 Bõsbudạ 33:17

Ar hoṛko do unhõ than boṭkocʼkore janwar dãṛẽko samaṅetʼko tahẽkana, menkhan onko do akoren Probhu Isor ńutumtegeko samaṅetʼko tahẽkana.

2Timothi 3:15

Huḍiń tahen khonge am do sonot sostor khonem cetʼakawana. Ar noa sonot sostorge am do Jisu Mạsire biswạs iạte kại khon bańcao ńam reakʼ bude danama.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Sereńko 119:9

Juạn do cekate acʼakʼ jion khạṭiye doho daṛeketaea? Uni do eken amakʼ kathako leka senakʼ iạtegeye daṛeakʼa.

2 Bõsbudạ 30:14

Ar pujại lạgitʼ janwar dãṛẽko reakʼ okako pinḍ ar dhudhup pinḍko Jerusalemre tahẽkan onko do onakoko ocokʼketʼte Kedron reakʼ lodamreko giḍikada.

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

1 Bõsbudạ 22:5

Dạude menkeda, “Ińren hopon Solomon do umerteye komaogea ar bae gạkhuṛa, menkhan Probhu Isor lạgitʼ okaṭakʼ oṛakʼ benao hoyokʼ ona do sanam jạtren hoṛkoakʼ mẽtʼre ńutumanakʼ, jak jomok ar ṭhonokte perecʼ hoyokʼma. Ona lạgitʼ iń do jotowakʼiń jogaṛ dohokakʼa.” Niạ menkate Dạud do acʼakʼ gujukʼ ạurire aema lekanakʼ jiniskoe jogaṛ dohokada.

2 Rapajko 23:14

Josiạ do sewa reakʼ dhiriko hõe rạputʼ gejerkada ar Asera khunṭiko hoẽ makʼ khanḍa khunḍikada ar ona ṭhạ̃ire uni do manwakoakʼ jaṅkoe ḍạṅkada.

2 Rapajko 23:4

Unre raj do Bakʼal debota ar Asera ar sermaren ipilko ńutumte benaoakʼ sanam jinisko Probhu Isorakʼ oṛakʼ khon oḍok giḍikakʼ lạgitʼ maraṅ naeke Hilkiạ, ar huḍiń naekeko ar pahradarkoe hukumatʼkoa. Uni do Jerusalem bahre Kedron soḍokʼ reakʼ bilạn ṭạnḍire onakoe atar giḍikada ar torocʼko do Jerusalemteye idikeda.

2 Rapajko 18:4

Uni do than boṭkocʼkoe maraokeda, ar sekʼwa dhirikoe rạputʼ giḍikada ar Asera khunṭikoe makʼ rạputʼkada. Ar Moseye benaolede pitạlren biń hõe rạputʼ khanḍa khunḍikedea, ente Israelko do un hạbicʼ hõ uni biń ńutumte dhupko jeretʼetʼ tahẽkana. Pitạlren bińakʼ ńutum do Nehustan tahẽkana.

1 Rapajko 13:2

Uni do Probhu Isorakʼ katha leka pinḍ upạrteye roṛ saḍekeda, “E pinḍ, E pinḍ, Probhu Isor do niạ kathae meneda, ‘Dạud bõsre Josiạ ńutuman mitʼṭen hopone janamokʼa. Ar usul than boṭkocʼkore okoe naekeko ńitokʼ am cetanre janwarko samaṅetʼko uni do onko naekeko am cetanreye samaṅkoa ar manwakoakʼ jaṅ hõe atar giḍikatakoa.’ ”

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Exodus 34:13

Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

2 Bõsbudạ 34:33

Josiạ do Israelko tabereko tahẽkan sanam disạm khon Hirkhạwan joto lekan boṅga murtikoe sạṅgiń giḍiketʼkoa ar Israelre jarwa akan sanamko salakʼ uni do Probhu Isore sewawadea. Uni tinạkʼ din jiwetʼe tahẽkan unạkʼ din hoṛko do onkoren hapṛamkoren Probhu Isorakʼ horteko calakʼkan tahẽkana.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?

2 Rapajko 10:27

Ona tayom onko do Bakʼal debotawakʼ pujạ dhiriko gejerkeda ar mundil hõko rạputʼkeda. Hoṛko do unkhon teheń hạbicʼ ona do pạikhana oṛakʼ menteko beohar ạguiyeda.

2 Rapajko 20:5

“Am do ruạṛ senkate ińren hoṛkoren mukhiyạ Hiskiạm metaea, amren hapṛam Dạudren Probhu Isor do niạ kathae meneda, ‘iń do amakʼ koejoṅiń ańjom akada ar amakʼ mẽtʼ dakʼ iń ńelakada. Iń do amiń bogemea. Ar ńitokʼ khon pe din hilokʼre am do Probhu Isorakʼ oṛakʼtem calakʼa.

2 Bõsbudạ 14:6

Disạmre suluk tahẽkante adom adomakʼ atoko doe pạcri esetʼ ocokeda. Onako oktere Asa tulucʼ do okoe hõ bako lạṛhạiylena, ente Isor do sulukteye doholedea.

2 Bõsbudạ 33:15

Uni do Probhu Isorakʼ oṛakʼ khon debotakoakʼ muṭhạnkoe oḍok giḍikatʼkoa. Uni do Jerusalemre ar Probhu Isorakʼ oṛakʼ reakʼ buru cetanre okako pinḍe benao ocoletʼ onako hõe oḍok keda. Ar nagraha bahreteye giḍikada.

Sereńko 71:5

E Probhu Isor, ińakʼ as do amrege ar juạn okte khon amge ińren bhorsa do.

Kạhtukko 20:11

Gidrạ do acʼakʼ kạmikotegeye oromokʼ kana, uniye kạmikanakʼ do napae ar ṭhikakʼ kana se baṅa.