2 Bõsbudạ 32:8 - সান্তালী বাইবেল

⁸ Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

2 Bõsbudạ 32:8 Referans Kwoze

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

2 Bõsbudạ 20:15

Jahasiyele menkeda, “E Jehosaphat raj ar okoe do Jihudạ ar Jerusalemrepe girobasokʼ kan, ape sanamkoge ańjompe. Probhu Isor do ape ṭhen niạ kathae roṛeda, ‘onko maraṅ lạṛhại phạdko ńelte alope botorokʼa se alope as chuṭạukʼa. Niạ lạṛhại do apeakʼ do baṅ kana, Isorakʼ kana.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Aposkạmi 18:10

ente iń do am sãote minạńa. Amre jhãp emkate okoe hõ ohoko hạnlema, ente noa nagrahare ạḍi utạr hoṛ menakʼkotińa.”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

Kạhtukko 12:25

Bạṛicʼ hudis do manawa ontore bạṛijtaea, menkhan udgạu reakʼ katha do manwae rạskạ ocoyea.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Jesaea 36:18

Hiskiạ do aloe ạnḍicʼpe ma oneye metape, Probhu Isorgeye rukhiyạbona. Jạt jạtkoren jãhãe debotage cetʼ Ạsur rajakʼ ti khon acʼakʼ disạme rukhiyạ daṛeakada?

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

2 Bõsbudạ 32:15

Ńitokʼ Hiskiạ do nonka alo baṛeye eṛepe are bulạupe ma. Uni do alope pạtiạuaea, ente jãhãe jạtren se jãhã rajosṭiren debota iń se ińren hapṛamkoakʼ ti khon acʼren hoṛko bae bańcao daṛeakatʼkoa. Enḍekhan tinạkʼ khạṭigea je, aperen debotako do ińakʼ ti khon bako bańcao daṛeapea mente.’ ”

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

1 Samuel 17:45

Unre Dạud do uni Philisṭiye metadea, “Am do tarwaṛe, borlom ar chorawante iń ṭhenem hijukʼkana, menkhan iń do phạdkoren Probhu Isor ńutumte am ṭheniń hijukʼ kana, one okoe dom henosta akawade.

2 Rapajko 6:16

Nạbiye roṛ ruạṛkeda, “Alom botorokʼa. Okoe alaṅ sãote menakʼko onko do hanko khon hõko saṅgegea.”

1 Bõsbudạ 5:22

Ona chaḍa ḍher bạiriko gocʼena, ente Isorakʼ ạyurtege noa lạṛhại do hoylena. Ar Israelko ạuriko bondi idi ocokʼ hạbicʼ onḍegeko girobasokʼ kan tahẽkana.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Sereńko 118:8

Manwako cetanre bhorsa baṅkate Probhu Isorre bhorsakʼ do bhagea.

Jirimiạ 42:11

Okoepe botorae kan uni Babelren raj do ar alope botoraea, ente iń do ape sãotege minạńa. Ińgeń rukhiyạpea ar ińge uniyakʼ ti khoniń bańcaopea.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

2 Rapajko 18:5

Hiskiạ do Israelren Probhu Isor cetanreye jamaṛ akane tahẽkana. Uni lahate ar uni tayomte Jihudạren rapajko modre uni leka do ar okoege bako tahẽkana.

2 Bõsbudạ 14:10

Unre Asa hõ uni upạrteye oḍok calaoena ar banar dolge Maresa ṭhenakʼ Sephata reakʼ buru lodamre lạṛhại lạgitʼko sapṛaoena.

Jesaea 30:32

Probhu Isor do onko sãote lạṛhại jokhecʼ tinre acʼakʼ niṭ akatʼ ṭheṅgate onkoe hạnkoa unre tobla ar peṛesaṅ do banamokʼa.

Jesaea 31:3

Misorrenko doko manwa kange, Isor doko baṅ kana; onkoren sadomko hõ jelren kanageko, jiu doko baṅkana. Probhu Isor do tinre acʼakʼ tiye rakabtaea unre gokʼṛoko doko tohodokʼa ar okoe goṛoko ńametʼ tahẽkan onko doko ńurokʼa; ar jotoge mitʼteko marao utạrokʼa.