2 Bõsbudạ 32:7 - সান্তালী বাইবেল

⁷ “Ape do daṛean ar dilanko hoyokʼpe. Ạsurren raj ar uniren saṅge lạṛhại phạdko ńelte alope botorokʼa se alope hadosokʼa, ente uni sãote okoe menakʼko onko khon abo soṅgete okoe menae uni do arhõe maraṅgea.

2 Bõsbudạ 32:7 Referans Kwoze

2 Rapajko 6:16

Nạbiye roṛ ruạṛkeda, “Alom botorokʼa. Okoe alaṅ sãote menakʼko onko do hanko khon hõko saṅgegea.”

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

2 Bõsbudạ 20:15

Jahasiyele menkeda, “E Jehosaphat raj ar okoe do Jihudạ ar Jerusalemrepe girobasokʼ kan, ape sanamkoge ańjompe. Probhu Isor do ape ṭhen niạ kathae roṛeda, ‘onko maraṅ lạṛhại phạdko ńelte alope botorokʼa se alope as chuṭạukʼa. Niạ lạṛhại do apeakʼ do baṅ kana, Isorakʼ kana.

2 Rapajko 18:30

Hiskiạ do nonka menkate Probhu Isorre aloe bhorsa ocope ma, ‘Probhu Isor do khạṭige apeye bańcaopea; ar niạ nagraha do Ạsurren rajakʼ tire bae jimạkakʼa.’

Sakariạ 8:9

“Iń phạdkoren Probhu Isorgeń meneda, ińakʼ oṛakʼ benao lạgitʼ rehetʼ bạisạu jokhecʼ nạbiko do ona kathageko roṛleda, ar ńitokʼ ape do inạ kathagepe ańjomeda; onate ape do daṛeanko hoyokʼpe.

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

Sereńko 118:8

Manwako cetanre bhorsa baṅkate Probhu Isorre bhorsakʼ do bhagea.

Jirimiạ 42:11

Okoepe botorae kan uni Babelren raj do ar alope botoraea, ente iń do ape sãotege minạńa. Ińgeń rukhiyạpea ar ińge uniyakʼ ti khoniń bańcaopea.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

2 Rapajko 18:5

Hiskiạ do Israelren Probhu Isor cetanreye jamaṛ akane tahẽkana. Uni lahate ar uni tayomte Jihudạren rapajko modre uni leka do ar okoege bako tahẽkana.

2 Bõsbudạ 15:7

Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

Nehemiạ 4:8

Onko sanamko mitʼkate niạko soṛojontrokeda je, senkate Jerusalem upạrteko lạṛhạiya ar gulmalko ehoba.