2 Bõsbudạ 32:6 - সান্তালী বাইবেল

⁶ Uni do hoṛko cetanre subedarkoe bahalketʼkoa ar nagraha phaṭok duạr ṭhenakʼ phaelao jaegareye jarwaketʼkote niạ menkateye udgạuketʼkoa,

2 Bõsbudạ 32:6 Referans Kwoze

2 Bõsbudạ 30:22

Probhu Isorakʼ sewa kạmire okoe Liwiko do gạkhuṛko tahẽkan Hiskiạ do onkoe udgạuketʼkoa. Onko do sulukren samaṅokʼakʼ porobko porobente eae din hạbicʼko jom-ńũkeda ar onkoren hapṛamkoren Probhu Isorko sarhaokedea.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Nehemiạ 8:16

Ona iạte hoṛko do onako ḍạrko ạguketʼte adomko do akoakʼ oṛakʼ chatre se racare se Isorakʼ oṛakʼ reakʼ racare se dakʼ phaṭok ṭhenakʼ phaelao racare se Ephrayim phaṭok ṭhenakʼ phaelao racare apnar lạgitʼ chamḍa oṛakʼko benaokeda.

Esra 10:9

Pe din bhitrire Jihudạ ar Benjạmin ṭoṭharen sanam hoṛ do Jerusalemre hecʼkateko jarwayena. Ar areyakʼ cando reakʼ bargelakʼ dinre sanam hoṛ do Isorakʼ oṛakʼ samaṅ reakʼ maedanre ona babotreko duṛupʼena ar jạṛi dakʼ iạteko thar tharaoena.

Genesis 34:3

Ar Dinare ạḍi mon tolentaea. Uni do Dinae dulạṛkedea ar acʼakʼ dulạṛ reakʼ kathae baḍae ocokedea.

Jesaea 28:6

Uni do bikʼcạrkoakʼ ontorre dhorom reakʼ monsubại danakoa. Ar okoe phaṭok-duạr ṭhen khon lạṛhạiko ocog onko do daṛeye emakoa.