2 Bõsbudạ 32:5 - সান্তালী বাইবেল

⁵ Hiskiạ do pạcri reakʼ joto rạputʼ akan hĩsko ar usul pahra oṛakʼkoe jut aro ocoketʼteye keṭecʼkeda. Ona chaḍa pạcri bahrete uni do ar mitʼṭecʼ bhite benaokeda ar Dạud nagraha reakʼ Miloye kajakkeda. Uni do ạḍi utạr khanḍa bhanḍa ar ḍhalkoe benao ocokeda.

2 Bõsbudạ 32:5 Referans Kwoze

2 Bõsbudạ 25:23

Israelren raj Jehoahas do Bet-Semesre Ahasiaren goṛomtetʼ koṛa, metakʼme Joasren hopon Jihudạren raj Amasiại bondikedea. Ona tayom Jehoahas do Jerusalemte senkate onḍenakʼ pạcri reakʼ Ephrayim duạr khon konac reakʼ duạr hạbicʼ ponsae moka jeleń bhite rạputʼkeda.

1 Rapajko 9:24

Pharaoren hoponera do Dạud nagraha bạgikate acʼ lạgitʼ benao akatʼ raj dolanteye hecʼen khan Solomon do Milo nagrahae benaokeda.

2 Rapajko 25:4

Tayomte nagraha pạcri reakʼ mitʼ jaegareko bhugạkʼkeda. Ar Babelrenko do nagrahako gherao esetʼ akatʼ tahẽkanre hõ ńindạ jokhecʼ Jihudạren sanam lạṛhại phạdko do rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar raj do Araba secʼe dạṛkeda.

2 Samuel 5:9

Inạ tayom Dạud do ona gaṛre girobasokʼe ehopʼena ar ona reakʼ ńutum do Dạud nagrahae dohokeda. Millo khon ehopʼkate ona gaṛ reakʼ beṛhaete uni do nagrahae benaokeda.

Jirimiạ 39:4

Jihudạren Sedekiạ raj ar uniren sanam lạṛhại phạdko do onko ńelteko dạṛkeda; onko do ńindạ jokhecʼ rajakʼ bagwan ṭhenakʼ banar pạcri reakʼ phaṭok duạrte nagraha khonko oḍokena ar Araba secʼko dạṛkeda.

2 Bõsbudạ 26:8

Amonrenko do Usiạ khajnako emaekan tahẽkana. Uni doe daṛe idikʼkan tahẽkante Misor reakʼ simạ hạbicʼ uniyakʼ ńutum do pasnao idiyentaea.

2 Bõsbudạ 23:1

Eaeakʼ bochorre Jehoyada do apnartetʼe daṛeyente Jehoramren hopon Asariạ, Jehohanan hopon Ismael, Obedren hopon Asariạ, Adayren hopon Maseya ar Sikri hopon Elisaphat teko sãote mitʼṭecʼ bondobose bandhaokeda. Noko sanamkoge sae saeko cetanren subedarko tahẽkana.

2 Bõsbudạ 12:1

Rehobiamakʼ raj hudạ tinre keṭecʼena are daṛe idiyena unre uni ar sãoten sanam Israelko do Probhu Isorakʼ ạn-ạriko bạgiyada.

2 Rapajko 12:20

Uniren gutikin do uni upạrte soṛojontrokate Silla calakʼ horre Bet-milore unikin gocʼkedea.

1 Rapajko 11:27

Raj upạrte Jerobiamakʼ hul reakʼ do mitʼṭecʼ karon tahẽkana. Solomon do Milo nagraha tinreye benaoetʼ tahẽkana ar acʼren apat Dạudakʼ nagraha reakʼ pạcrikoe jut aro ocoyetʼ tahẽkana.

Bikʼcạrko 9:6

Ona tayom Sikem ar Bet-Miloren sanam hoṛko mitʼente Sikem reakʼ khunṭi ṭhen Elon dare aṛere senkate Abimelekko rajkedea.

Kạhtukko 25:28

Okoe hoṛ apnarte bae sambṛao daṛeakʼ uni do pạcri bhit rạputʼ akan nagraha leka kanae.

2 Bõsbudạ 33:14

Tayomte uni do Dạud nagraha bahre reakʼ pạcri do buru lodam reakʼ Gihon dakʼ jharna khon Ophel buru beṛhae pạchim secʼ hako phaṭok duạrte bolokʼ hor hạbicʼ arhõ usul pạcriye benaoketʼte onae kajak ruạṛkeda. Uni do Jihudạ reakʼ pạcrite esetʼ sanam ato ar nagrahakore subedarkoe bahalketʼkoa.

Joel 2:8

Onko do apan ạpin cetanre bako lade ghugukʼkana; onko mimitʼko do samaṅ secʼko laha idikʼkana. Cetʼtege bako akoṭokʼkana onko do sạr sạrtegeko laha idikʼkana.