2 Bõsbudạ 32:2 - সান্তালী বাইবেল

² Hiskiạ doe ńelkeda Senakerib doe seṭer lạgidokʼ kana ar Jerusalem upạrte lạṛhại lạgitʼe mon muruk akada.

2 Bõsbudạ 32:2 Referans Kwoze

Luk 9:53

Menkhan Jisu do Jerusalemteye calakʼkante ona atoren hoṛko do bako ataṅledea.

Luk 9:51

Ado sermate calakʼ reakʼ okte hoyentae khan uni do Jerusalemte calakʼ lạgitʼe mon murukkeda.

2 Rapajko 12:17

Onako dinre Aramren raj Hasael doe rakapʼ calaoente Gat upạrteye lạṛhạiyena ar onae hatkeda. Ona tayom Jerusalem akromon lạgitʼ uni doe laha idiyena.

Mathae 1:19

Mạriạmren jãwãe Joseph do dhorom hoṛe tahẽkante hoṛko samaṅre Mạriạm lajaore paṛao ocoye do bae khojlakʼa; onate uni do mone monete Mạriạm bạgiye reakʼe goṭakeda.

2 Bõsbudạ 32:1

Hiskiạ do pạtiạr salakʼ jotowakʼe sạtketʼ tayom Asurren raj Senakerib do hecʼkate Jihudạ cetanre jhãpe emkeda. Uni do pạcrite esetʼ ato ar nagrahakoe gheraokeda, are hudiskeda onako doe jitạujoṅa.

2 Bõsbudạ 32:3

Unre uni do acʼren subedar ar birbanṭako sãote sopolhakate nagraha bahre reakʼ dakʼ jharnako dhapao esetʼ lạgitʼe goṭakeda. Ar ona kạmire onko do uniko goṛowadea.

Nehemiạ 4:13

Niạ katha ańjomkate iń do pạcri bhitri reakʼ copotʼ jaegakore ar okakore paṛakʼ akan tahẽkan onḍe do bõsrenko lekate hoṛkoń bahalketʼkoa ar onkoakʼ tire tarwaṛe, borlom ar akʼ sariń ematʼkoa.

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.