2 Bõsbudạ 28:3 - সান্তালী বাইবেল

³ Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

2 Bõsbudạ 28:3 Referans Kwoze

2 Bõsbudạ 33:6

Ar Bin-Hinom buru lodamre uni do acʼren hoponko seṅgelreye samaṅketʼkoa. Okoe do bạṛicʼakʼ cinhạkote tayom daram reakʼ kathako lại daṛeakʼkan tahẽkan, onko jạdu udukʼko ar gukʼniko ar bhutko hotete ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Ar Probhu Isorakʼ mẽtʼre ḍher bạṛicʼakʼ kạmikate uniye bekusi ocoyede tahẽkana.

2 Bõsbudạ 33:2

Probhu Isor do Israelko samaṅ khon okoe jạtrenkoe laga ńirletʼko tahẽkan onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

Levitikus 18:21

“Ape modre jãhãege acʼren hopontetʼ se hoponera Molok debota ńutumte seṅgelre aloko samaṅkoma se okalekate hõ acʼren Isorakʼ ńutum aloe besonot ocoytaema. Iń kangeạń Probhu Isor do.

2 Rapajko 23:10

Ar Molek debota ńutumte jãhãege nijạrren gidrạko seṅgelre jemon aloko samaṅ daṛeako ona lạgitʼ Josiạ do Ben-Hinom buru nala reakʼ Tophet ńutuman than boṭkocʼ hõe bhõnḍ ocokeda.

Josuạ 15:8

Onḍe khon ona do Jebusikoakʼ nagraha reakʼ, metakʼme Jerusalem reakʼ dạkhin dhasnako reakʼ jaega hạbicʼ senkate Ben-Hinom buru muthnite rakapʼ calaoena. Ar onḍe khon simạna do Rephayim tapol reakʼ utạr simạna reakʼ Hinom tapol reakʼ pạchimre okaṭakʼ buru menakʼ onḍe hạbicʼ rakapʼena.

Mikạ 6:7

Probhu do cetʼ hajar hajar bheḍakoteye kusikʼa, uni do cetʼ sunumte perecʼ gaḍakoe bạsutakʼa? Ińakʼ ghạṭko ńutumte iń do cetʼ ińren pạhil janamicʼ hoponiń emaea, ińakʼ kại gunạkʼte cetʼ ińakʼ kukhi reakʼ jogeń samaṅaea?

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Jirimiạ 19:13

Jerusalem reakʼ oṛakʼ-duạr ar Jihudạ reakʼ rapajkoakʼ oṛakʼ-duạr, metakʼme okako oṛakʼ-duạr reakʼ chat cetanre siń cando, ńindạ cando ar ipilko ńutumte dhupko jeretʼetʼ tahẽkan ar debotako ńutumte coḍorakʼ samaṅokʼakʼko samaṅetʼ tahẽkan onako oṛakʼ-duạr do Tophet lekań bhonḍ ocoya.”

Jirimiạ 2:34

Amakʼ tire do miridos reṅgecʼ orecʼkoakʼ jiwi reakʼ mãyãmge ńamokʼkana, onko do sind bhugạkʼ ṭhen bam ńamletʼkoa. Ar niạko tayom hõm meneda, ‘iń doń miridosgea; Probhu Isor do ińre jãhãn edre bạnukʼtaea.’ Menkhan iń do bicạrkateń sạjạimea, ente am dom meneda, ‘iń do bạń kại akada.’

2 Rapajko 16:3

Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

Dosar Biboron 18:9

“Aperen Probhu Isor ape okaṭakʼ disạme emape lạgidokʼkan onḍe senkate onḍenko jạtren hoṛ oka bạṛicʼakʼko kạmi ona do alope cetʼjoṅa.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Dosar Biboron 18:10

Ape talare nonkan hoṛ aloko tahenma one okoe do acʼren hopon seṅgelre samaṅokʼ reakʼ porobe hoyocoe ar okoe doe gukʼni seye janokʼkan se darakan dinko reakʼe lại, okoe do jạdu biddạkoe udug,

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.