2 Bõsbudạ 28:2 - সান্তালী বাইবেল

² Uni do Israelren rajko lekageye calakʼkan tahẽkana ar Bakʼal debota sewawae lạgitʼ chańcre dulakʼ muṭhạne benao ocoleda.

2 Bõsbudạ 28:2 Referans Kwoze

Exodus 34:17

“Ape do dul boṅgako alope benao joṅa.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Hosea 2:17

Uniyakʼ moca khon do Bakʼal debotawakʼ ńutumiń ocoga; ar Bakʼal do uni bae hohoaea.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

2 Bõsbudạ 21:6

Ar Ahabakʼ bõsren hoṛko lekage uni do Israelren rajkoakʼ horteye calakʼkan tahẽkana, ente uni do Ahabren mitʼṭen hoponerae baplaledea. Ar Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Levitikus 19:4

Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

2 Bõsbudạ 33:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Ona chaḍa uni do Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren ipilkoe sewawako kan tahẽkana are ḍobokʼako kan tahẽkana.

Jesaea 2:8

Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana.

Jirimiạ 1:16

Ińren hoṛ do ińko bạgi giḍi akadińạ, onko do debotako ńutumte dhupko jeretʼeda ar apnar tite benaoakʼ jinisko ḍobokʼakʼ kana. Iń do onkoakʼ dusṭạmi kạmi iạte onko upạrte ińakʼ bicạrkoń jạhira.

Mikạ 1:5

Jakobakʼ kại lạgitʼ, metakʼme Israel bõsrenkoakʼ behok lạgitʼge noako do hoyokʼa. Jakobakʼ ghạṭ reakʼ dusi doe okoekana? Samariạ do cetʼ baṅa Jihudạwakʼ than boṭkocʼko lạgitʼ dusi doe okoekana? Jerusalem do cetʼ baṅa?