2 Bõsbudạ 26:8 - সান্তালী বাইবেল

⁸ Amonrenko do Usiạ khajnako emaekan tahẽkana. Uni doe daṛe idikʼkan tahẽkante Misor reakʼ simạ hạbicʼ uniyakʼ ńutum do pasnao idiyentaea.

2 Bõsbudạ 26:8 Referans Kwoze

2 Bõsbudạ 17:11

Adom adom Philisṭiko do Jehosaphat ṭhen khajna lekate dan sandesko ar rupạkoko ạgukeda ar Arabrenko do eaehajar eaesae bheḍako ar eaehajar eaesae meromko emadea.

2 Samuel 8:2

Dạud do Moabrenko hõe bhagaoketʼkoa. Uni do Moabrenkoe ńẽtʼketʼkote otreye giticʼketʼkoa ar baberteye jokhaketʼkoa. Pạhil bar baber jokharen hoṛ doko gocʼ ocoyena ar mitʼ baber jokharen hoṛ do jiwetʼko doho ocoyena. Inạ tayom Moabrenko do Dạud gobolre tahẽkate khajna emaeko ehopʼena.

Genesis 19:38

Ar huḍińicʼ kuṛiren hõ mitʼṭen koṛa gidrại hoyena, ar uniyakʼ ńutum do Ben-amine dohoketʼtaea (metakʼme, “Iń bõsren hopon”). Uni do ńitokʼren Amonikoren janam data kanae.

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

2 Bõsbudạ 20:1

Inạ tayom Moabrenko, Amonrenko ar Meyunikoren adom hoṛko do Jehosaphat upạrte lạṛhại lạgitʼko oḍok hecʼena.

1 Rapajko 4:31

Sanam hoṛko khon, se Esraeren Ethon ar Mahalelren hopon Hemen, Kolkol ar Dorda khon hõ ḍher ạkilane tahẽkana. Uniyakʼ ńutum do aḍepase sanam jạtrenko talare pasnao idiyentaea.

2 Samuel 8:13

Dạud do buluṅ lodamre gel irạl hajar Aramren hoṛko gocʼkateye ruạṛ hecʼen khan uniyakʼ sunam do goṭa beṛhaete pasnao idiyena.

1 Samuel 11:1

Amoniạ Nahas do senkate Jabes-Gileade esetʼ ạcurkeda. Unre Jabesren hoṛko do Nahasko metadea, “Ale sãote mitʼṭecʼ bondobos bandhaome, enḍekhan ale do am taberele tahena.”

Dosar Biboron 2:19

Menkhan ape do tinre Amonrenko ṭhenpe seṭerokʼa unre onko do alope ạṛiskoa se lạṛhại lạgitʼ alope uskạukoa, ente Amonrenkoakʼ disạm reakʼ okaṭakʼ hĩs hõ ape do bạń emapea. Ona do Loṭ bõsrenko sompotti lekateń em dohoakatʼkoa.’ ”

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

2 Bõsbudạ 26:9

Usiạ do Jerusalem reakʼ konacʼ duạr ṭhen, sokṛa duạr ṭhen, ar pạcri reakʼ konacre usulge pahra oṛakʼe benaoketʼte onakoe kajakkeda.

1 Bõsbudạ 14:17

Nonkate Dạudakʼ ńutum do goṭa disạm pasnao idiyentaea, ar Probhu Isor do sanam jạtrenko talare uni reaṅ mitʼṭecʼ botore rakapʼ ocoketʼtakoa.

2 Bõsbudạ 27:5

Amonikoren raj upạrteye lạṛhạiyente onkoe bhagaoketʼkoa. Onate Amoniko do ona bochor pe hajar are sae keji rupạ, mitʼ hajar irạlsae ṭon guhum ar mitʼ hajar irạlsae ṭon jaoko emena. Dosar ar Tesar bochorre hõ onko do inạkʼkategeko emkeda.