2 Bõsbudạ 26:5 - সান্তালী বাইবেল

⁵ Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

2 Bõsbudạ 26:5 Referans Kwoze

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 24:2

Jehoyada naeke jiwetʼe tahekan bhorge Joas do Probhu Isorakʼ oṛakʼre oka bhage tahẽkan onageye kạmiyetʼ tahẽkana.

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

Daniel 5:16

Ińiń ańjomkeda, am do okoakʼko reaṅ manekom lại daṛeakʼa ar muskilakʼko hõm alga daṛeakʼa. Am do ńitokʼ noa ol akanakʼem paṛhao daṛeakʼ ar ona reakʼ bhedem bhaṅgao daṛeạń enḍekhan am do beguni kicricʼem horokʼ ocokʼa ar hoṭokʼre sona reakʼ mala hõm ńama ar rajosṭiren pea rapajko modre am hõ mitʼṭecʼ hudạm ńama.”

Daniel 10:1

Parasren raj Koresakʼ rajokʼ tesarakʼ bochorre okoe do Beltesasare ńutum ocolen uni Daniel ṭhen mitʼṭecʼ katha sodorena. Katha do sạrikana ar ona do mitʼṭecʼ maraṅ kosṭo reaṅge. Mitʼṭecʼ dorson hotete uni doe bujhạu ocoyena.

Daniel 2:19

Ado ńindạ jokhecʼ Daniel ṭhen ona baṅ baḍaeakʼ do dorson hotete sodorena. Unre Daniel do sermaren Isore gun manao joharadea.

Daniel 1:17

Ar Isor do ạkilte, bidiạte, sahittote ar joto lekan bujteye perecʼketʼkoa ar bujhạu reakʼ daṛe hõe danatʼkoa; ar Daniel do sanam lekan dorson ar kukmũ reakʼ bhedko hõe bhaṅgao daṛeakʼkan tahẽkana.

2 Bõsbudạ 25:8

Onkom idi torako ar dil salakʼem lạṛhạilen khan hõ bạiriko ṭhen Isor doe bhagao ocomea, ente jitạu ocome se bhagao ocome reakʼ dare do eken Isorakʼge menakʼtaea.”

Genesis 41:15

Unre Pharao do Josephe metadea, “Iń do mitʼṭecʼ kukmũń ńel akada, menkhan okoe hõ ona reakʼ mane do bako lại daṛe ạdińa. Ińiń ańjom akada, kukmũ reakʼ katha lạiyam khan am do ona reakʼ manetetʼem lại daṛeakʼa.”

Hosea 6:4

Probhu Isore meneda, “E Ephrayim, am do cetʼ iń cekawama? E Jihudạ, am hõ cetʼ iń cekawama? Amakʼ pạtiạr do setakʼ reakʼ kuṛhạ leka, aṅga marsalokʼ reakʼ sisir leka oka do usạrate chanokʼkan.

1 Bõsbudạ 22:11

“E beṭa, Probhu Isor do ńitokʼ am sãote baṛeye tahenma; jo bahakʼme ar Probhu Isorakʼ katha leka uni lạgitʼ mitʼṭecʼ oṛakʼ benaome.

Bikʼcạrko 2:7

Josuạ tinạkʼ din jiwetʼe tahẽkan ar ona tayom dinkore okoe murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko ko ńelleda.

Genesis 41:38

Pharao do acʼren kạmiyạkoe metatʼkoa, “Nui hoṛre nonkanakʼko menakʼa one okaṭakʼ do noa dhạrti reakʼ baṅkan. Nui leka do okoe bon sendra ńamkea?”

Aposkạmi 20:30

Ape bhitriko khon hõ hoṛko teṅgonte Isorakʼ sạriyakʼtetʼ do eṛeteakʼ benaoko kurumuṭuya jemon pạtiạu akanko ako secʼko or idi daṛeako.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

2 Rapajko 15:34

Uniren apat Usiạ lekage Jotham do Probhu Isorakʼ mẽtʼre oka bhageakʼkan onageye kạmiyetʼ tahẽkana.

2 Bõsbudạ 26:4

Usiạ do acʼren apat Amasiạ lekage Probhu Isorakʼ mẽtʼre oka bhageakʼ kan onageye kạmiyetʼ tahẽkana.

2 Bõsbudạ 27:6

Nonkate Jotham doe daṛe idiyena, ente uni do pạtiạr salakʼ Probhu Isorakʼ horteye calakʼkan tahẽkana.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

2 Bõsbudạ 14:6

Disạmre suluk tahẽkante adom adomakʼ atoko doe pạcri esetʼ ocokeda. Onako oktere Asa tulucʼ do okoe hõ bako lạṛhạiylena, ente Isor do sulukteye doholedea.

2 Bõsbudạ 29:1

Hiskiạ do bargel mõṛẽ bochor umerre raje hoylena ar Jerusalemre bargel are bochor raje calaokeda. Uniren eṅgatakʼ ńutum do Abi tahẽkana; uni do Sakariạren hoponerae tahẽkana.

2 Bõsbudạ 32:30

Hiskiạ do Gihon dakʼ jharna reakʼ nalaye dhapao esetʼketʼte Dạud nagraha reakʼ pạchim secʼte dakʼe idiketʼa. Uni do joto kạmiregeye jo bahayena.