2 Bõsbudạ 26:22 - সান্তালী বাইবেল

²² Usiạwakʼ eṭakʼ eṭakʼ kạmiko reakʼ katha do pạhil khon mucạtʼ hạbicʼ Amosren hopon Jisại nạbiye ol dohokeda.

2 Bõsbudạ 26:22 Referans Kwoze

Jesaea 1:1

Jihudi disạmren Usiạ raj, Jotham raj ar Hiskiạwakʼ rajokʼ oktere Amosren hopon Jesaea do Jihudạ ar Jerusalem reaṅ oka dorsone ńamletʼ ona reaṅge nonḍe do ol akana.

Jesaea 6:1

Oka bochor Usiạ raje gocʼen un bochor iń doń ńelkeda Probhu Isor do ạḍi usul reakʼ mitʼṭecʼ siṅghạsonreye duṛupʼ akana. Ar uniyakʼ raj kicricʼ reakʼ latar secʼakʼ hĩste mundil doe perecʼ akada.

2 Bõsbudạ 12:15

Rehobiamakʼ eṭakʼ eṭakʼ kạmi reakʼ katha etohopʼ khon mucạtʼ hạbicʼ do Semaya nạbiyakʼ olakʼ kana ar ńeńelicʼ Eddowakʼ olakʼ bõs tạlikare hõ ol menakʼa. Rehobiam ar Jerobiam talare do jaoge lạṛhại hoyokʼkan tahẽkana.

2 Bõsbudạ 9:29

Solomonakʼ eṭakʼ eṭakʼ kạmi reakʼ katha do pạhil khon ses utạrakʼ hạbicʼ Nathan nạbiyakʼ olakʼre, Siloni Ahiawakʼ nạbi kathare olakana ar Nabatren hopon Jerobiam reaṅ do “dorson ńeńelicʼ Idoakʼ dorson” ńutumanakʼ puthire ol menakʼa.

2 Bõsbudạ 26:23

Tayomte Usiạ do acʼren hapṛamko ṭhene calaoena. Ar uni do rapajkoakʼ topa aṛe reakʼ mitʼṭecʼ ṭhạ̃ire uniren hapṛamko sãoteko topakadea, ente hoṛkoko menkeda, “Uni do murhucʼ jom rog hoṛe tahẽkana.” Ar uniyakʼ jaegare uniren hopon Jotham do raje hoyena.

2 Rapajko 19:2

Uni do raj oṛakʼren mukhiyạ Eliạkim, rajren olokʼicʼ Sibna, naekeko ar mukhiyạko gõṛẽ kicricʼko horokʼ akatʼge Amasren hopon Jesaea nạbi ṭhene kolkatʼkoa.

2 Bõsbudạ 25:26

Amasiạwakʼ eṭakʼ eṭakʼ kạmi reakʼ katha do pạhil khon mucạtʼ hạbicʼ “Jihudạ ar Israelren rapajkoakʼ Itihãs” ńutumanakʼ puthire ol menakʼa.

2 Bõsbudạ 32:32

Hiskiạwakʼ eṭakʼ sanam kạmiko reakʼ katha ar Isor botorae reaṅ do Amosren hopon Jesaea nạbiyakʼ dorson puthire ar “Jihudạ ar Israel rapajkoakʼ Itihãs” ńutumanakʼ puthire ol menakʼa.