2 Bõsbudạ 26:18 - সান্তালী বাইবেল

¹⁸ Onko do uni teṅgo daramkedeteko metadea, “E Usiạ, Probhu Isor ńutumte amakʼ dhup jered reakʼ ektiạri do bạnukʼtama. Aronren bõsko, okoe do dhup jered lạgitʼko begar ocoakan, eken onko motoge ạidạri menakʼtakoa. Niạ sonot ṭhạ̃i khon do oḍok calakʼme, ente am dom ghạṭ akada. Noa iạte Probhu Isor do khạṭigeye sạjạimea.”

2 Bõsbudạ 26:18 Referans Kwoze

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Ibriko 5:4

Maraṅ naeke hoyokʼ reakʼ man do okoe hõ apnarte bae hatao daṛeakʼa, menkhan Isor okoeye hohowae unige ona reakʼ man doe ńama, cetʼleka Isor do Aron maraṅ naeke hoyokʼ lạgitʼe hohowade tahẽkan.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Jakob 2:1

E ińren boehako, aboren ṭhonokte perecʼ Probhu Jisu Mạsirepe pạtiạu akan khan sanamko somante beṅgetʼ akope.

Galathiko lạgitʼ Pạul Apostolakʼ ciṭhi 2:11

Patras do Siriạ Prodes reakʼ Antiokiạteye hecʼen khan, samaṅregeń roṛ daramkedea, ente uni doe behok akatʼ tahẽkana.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

1 Korinthiko 5:5

unre uni hoṛ do Soetan tire jimạkae hoyokʼa, jemon uniyakʼ hoṛmo ḍahao maraokʼtae menkhan Jiu do Probhu Jisuakʼ hijukʼ dinre bańcaoe ńam.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Mathae 14:4

Ente Johan doe metade tahẽkana, “Herodiạ bạhu mentem dohoye do baṅ ganokʼtama.”

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Numeri 3:10

Naeke lekate kạmi lạgitʼ am do Aron ar uniren hoponkom ojokʼ bahalkoa. Onko chaḍa ar jãhãege naeke reakʼe kạmi uni doe gocʼ ocokʼa.”

Exodus 28:1

“Am do Israelko mod khon amren boeha Aron ar uniren hoponko Nadab, Abihu, Eliasar ar Ithamor am ṭhenem hoho ạgukoa. Onko do naeke lekate ińko dewa sewawạńạ.

Josuạ 22:15

Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,

2 Bõsbudạ 30:7

Ape do aperen hapṛamko ar aperen Israel boehako leka do alope hoyokʼa. Onko do onkoren hapṛamkoren Probhu Isor cetanre bepạtiạrko tahẽkante ạḍiye sạjạiyletʼkoa. Ape do onape ńeletʼkangea.