2 Bõsbudạ 26:16 - সান্তালী বাইবেল

¹⁶ Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

2 Bõsbudạ 26:16 Referans Kwoze

2 Bõsbudạ 32:25

Menkhan Hiskiạ do monre bạḍại hecʼadea. Uni cetanre cetʼleka bhore ńamketʼ ona leka do bae kạmileda; onate uni cetanre, Jihudạ ar Jerusalem cetanre Probhu Isor doe edreyena.

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

2 Bõsbudạ 25:19

‘Edomrenkoń ńẽtʼ akatʼkoa,’ noa katha mone monete hudiskate am do gorbotem phulạu akana. Ńitokʼ do apnarakʼ oṛakʼre tahenme. Cedakʼ muhin dom hoho ạgujoṅkana ar ona sãote Jihudạ reakʼ maraokʼ hõ?”

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Dosar Biboron 8:17

Ape do mone montepe menkea, ‘ińakʼ nij daṛete, ińakʼ tite kạmikate niạko dhon doń hoyocoakada.’

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

2 Rapajko 14:10

Edomren hoṛkom bhagao akatʼkote amakʼ mon do sạrige bạḍạite perecʼ akana. Ma ṭhonokokʼte dhirpurkokʼme, ar amakʼ oṛakʼrege tahenme. Cedakʼ muhin dom hoho ạgujoṅkana ar ona sãote Jihudạ reakʼ maraokʼ hõ?”

1 Rapajko 12:33

Irạl cando reakʼ gel mõṛẽakʼ dinre Bethelre acʼ benaoakʼ pinḍre uni do janwarkoe samaṅketʼkoa. Ona reakʼ okte do apnar bachaoakʼge tahẽkantaea. Nonkate uni do Israelko lạgitʼ mitʼṭecʼ porobe hoyocokeda ar janwarko samaṅko lạgitʼ pinḍe benaokeda.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Numeri 16:18

Moseyakʼ katha leka mimitʼ hoṛ apan ạpin dhup dạnire seṅgel ar dhupante ńapamokʼ tạmbu reakʼ duạr samaṅre Mose ar Aron sãote senkateko teṅgoyena.

Numeri 16:1

Liwi gusṭiren Jisharen hopon Korah ar Ruben gusṭiren Eliabren hopon Dathan ar Abiram ar Peletren hopon On do Mose upạrteko teṅgoyena. Korah do Liwiren hopon Kohatren goṛomtetʼ koṛae tahẽkana. Noko sãote barsae mõṛẽgel Israelko okoe do somajre manotan hoṛko tahẽkan onko hõko tahẽkana.

1 Rapajko 13:1

Jerobiam do janwar samaṅko lạgitʼ tinre pinḍ aṛereye teṅgo akan tahẽkana unre Probhu Isorakʼ katha leka Isorren mitʼṭen hoṛ do Jihudạ khon Bethelteye seṭerena.

2 Bõsbudạ 26:15

Uni do Jerusalemren gạkhuṛ hoṛkoakʼ benaoakʼ khanḍa bhanḍa do usul pahra oṛakʼkore ar pạcri konac reakʼ cetanreye dohokada jemon onḍe khon sarko tuń daṛeakʼ ar lạṭu lạṭu dhirikoko ṭuṭi daṛeakʼ. Uniyakʼ ńutum do sạṅgiń disạm hạbicʼ pasnaoena. Uni do Isorakʼ daṛe ńamkateye daṛe idiyena.

2 Bõsbudạ 27:2

Jotham do uniren apattetʼ leka Probhu Isorakʼ mẽtʼre oka bhageakʼ kan onageye kạmiyetʼ tahẽkana. Ona chaḍa uni do uniren apattetʼ leka do bae bhulleda; dhup jered lạgitʼ Probhu Isorakʼ oṛakʼte do bae bololena. Enhõ hoṛko do bạṛicʼakʼko kạmikan tahẽkana.

Daniel 8:8

Merom do ạḍiye daṛe idiyena, menkhan uni do tinre acʼakʼ mucạtʼ daṛereye hoyena unre uniyakʼ lạṭu dereń do rạputʼentaea ar ona jaega beṛhaete ponea ńel ńamokʼ leka dereń rakapʼena.

Numeri 17:5

Ar ińiń bachao akatʼ hoṛkoakʼ ṭheṅgare do bhoṭokʼ sagenokʼa. Ar nonkate aben upạrte Israel hoponkoakʼ karacʼ kurujokʼ do iń samaṅ khoniń thir ocoya.”

2 Rapajko 15:5

Tayomte Probhu Isor do raje ghạlkede khan uni do jiwetʼ bhor murhucʼ jom rogteye jạbunena. Uni do mitʼṭecʼ begar oṛakʼreye girobasokʼkan tahẽkana. Ar rajren hopon Jotham do raj oṛakʼren mạlike hoyena ar disạm hoṛko ḍanṭaokoe ehopʼena.

2 Bõsbudạ 12:1

Rehobiamakʼ raj hudạ tinre keṭecʼena are daṛe idiyena unre uni ar sãoten sanam Israelko do Probhu Isorakʼ ạn-ạriko bạgiyada.

Daniel 11:12

Ar dạkhinren raj do lạṛhại phạdko bondikateye idiko tayom bạḍạiteye perejokʼa ar hajar hajar hoṛkoe gocʼkoa, enhõ uni do mucạtʼ hạbicʼ do bae ṭikạu tahena.