2 Bõsbudạ 26:15 - সান্তালী বাইবেল

¹⁵ Uni do Jerusalemren gạkhuṛ hoṛkoakʼ benaoakʼ khanḍa bhanḍa do usul pahra oṛakʼkore ar pạcri konac reakʼ cetanreye dohokada jemon onḍe khon sarko tuń daṛeakʼ ar lạṭu lạṭu dhirikoko ṭuṭi daṛeakʼ. Uniyakʼ ńutum do sạṅgiń disạm hạbicʼ pasnaoena. Uni do Isorakʼ daṛe ńamkateye daṛe idiyena.

2 Bõsbudạ 26:15 Referans Kwoze

Mathae 4:24

Uniyakʼ katha do Siriạ disạm reakʼ sanam jaegakore pasnao idiyena. Ar hoṛko do ạḍi lekan rog bighinte sasetokʼkanko, bhut capaṛ akawatʼko, mirgi ar mitʼ kaṛ gocʼ rogteko jạbun akanko Jisu ṭhenko ạguketʼkoa. Ar uni do onko sanamkoe bogeketʼkoa.

2 Bõsbudạ 2:14

Uniren eṅgat do Dan gusṭikoren hoponera kanae ar uniren apattetʼ do Turren hoṛ kanae. Uni do sona, rupạ, pitạl, mẽṛhẽtʼ, dhiri, kaṭ ar beguni, jeṅgetʼ arakʼ, nil sutạm ar mihi musnạ sutạm reakʼ kạmi ạḍi bhageye baḍaea. Ar joto lekan lakʼ rokʼ kạmire uni doe gạkhuṛgea ar jãhã lekan nạmuna reakʼge uni do kạmi daṛeakʼa. Uni do aperen kạrigolko sãote ar ińren kĩsạ̃ṛ, amren ạpum Dạudren kạrigolko sãoteye kạmiya.

2 Bõsbudạ 2:7

“Ińren ạpuń Dạud do gạkhuṛ kạrigolkoe ṭhik doho akatʼkoa onko do Jihudạ ar Jerusalemre iń ṭhen menakʼkoa. Ar onko sãote kạmi lạgitʼ nonkan mitʼṭen gạkhuṛ kạrigol koleme okoe do sona, rupạ, pitạl ar mẽṛhẽtʼ reakʼ kạmiye baḍae, beguni, arakʼ ar nil roṅakʼ sutạm reakʼ kạmi ar lakʼ rokʼ reakʼ kạmiko hõe kạmi daṛeakʼ.

Exodus 31:4

Onate uni do acʼakʼ mon khon hudiskate sona, rupạ ar pitạl cetanre mońj mońj noksakoe benao daṛeakʼa,

2 Bõsbudạ 26:14

Usiạ do goṭa lạṛhại phạdko lạgitʼ ḍhal, borlom, bohokʼ aḍokʼakʼ, hoṛmo aḍokʼakʼ, ar akʼ sarko ar ginḍwạriko lạgitʼ do dhirikoe benao ocokeda.

2 Bõsbudạ 26:16

Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Habakkuk 1:5

Probhu Isore menkeda, “Jạt jạtrenko secʼ beṅgedpe, enḍekhanpe ṭhak utạrokʼa, ente ape bidạlrege nonkanakʼ iń kạmiya one ona reakʼ kathań lại apere hõ ohogepe pạtiạulena.

Dosar Biboron 20:20

Menkhan okako do jo dare baṅkan ona dope makʼ giḍi daṛeakʼa ar oka nagraharen hoṛ ape upạrte lạṛhại lạgitʼko teṅgokʼ onko ạuripe bhagaoko hạbicʼ onako dare dope makʼ daṛeakʼa ekʼsetʼakʼkope benaojoṅre.