2 Bõsbudạ 26:10 - সান্তালী বাইবেল

¹⁰ Uniren do latar buru ṭoṭhakore ar bilạn ṭạnḍikore ạḍi utạr ạsul janwarko tahẽkantaea; ar onate uni do hahaṅkarre usul usul pahra oṛakʼkoe benaokeda ar aema kuńkoe la ocokeda. Uniren hoṛko do bhage hasareko cas abadetʼ tahẽkana ar burure darkha bagwanko benaoetʼ tahẽkana, ente uni do cas baskoe kusiyakʼkan tahẽkana.

2 Bõsbudạ 26:10 Referans Kwoze

Jesaea 29:17

Ar thoṛa din khange cetʼ Lebanon do jo bahakʼkan bagwan leka baṅ hoyokʼa? Ar jo bahakʼkan bagwan do bir gajaṛ tulni baṅ lekhakʼa?

2 Rapajko 19:23

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro darekom makʼ giḍiakada, ar ona reakʼ bir bhitrikorem boloakana,

2 Rapajko 3:4

Moabren raj Misaren do ạḍi utạr bhiḍiko tahẽkantaea. Uni do khajna lekate mitʼ lakh bhiḍi hopon ar mitʼ lakh bhiḍi upʼ Israelren raje emaekan tahẽkana.

Dosar Biboron 3:10

Ar onako bilạn ṭạnḍi reakʼ sanam atoko ar nagrahako, goṭa Gilead ṭoṭha ar Basonren raj Ogakʼ rajosṭi Salka ar Edre hạbicʼ goṭa Bason disạmge abo dobon dokholkeda.

2 Bõsbudạ 26:11

Usiạren do gạkhuṛ lạṛhại phạdko tahẽkantaea. Onko do Hananiạ ńutuman mitʼṭen subedar tabereko tahẽkana ar Jeiyel ar Makʼaseya sordar tạkinakʼ lekha lekate onko do mimitʼ dolkate lạṛhại lạgitʼko sapṛao tahenkan tahẽkana.

Josuạ 15:55

Maon, Karmel, Siph, Juta, Jisrayel, Jokdeam, Sanoah, Kayin, Gibea ar Timna. Niạ gel goṭecʼ nagraha ar ona aḍepase reakʼ atokoko ńamleda.

1 Samuel 15:12

Ar dosar hilokʼ ạḍi setakʼre beretʼkate Sạul sãote ńapamokʼ lạgitʼe senena. Uni do onḍeko lạiyadea, Sạul do Karmel burure acʼakʼ manotakʼ lạgitʼ onḍe mitʼṭecʼ pinḍ benaokate Gilgolteye senakana.

2 Bõsbudạ 17:12

Jehosaphat do onkate artetʼgeye daṛe idiyena. Uni do Jihudạ disạmre adomakʼ gaṛko ar murại nagrahakoe benaokeda.

2 Bõsbudạ 17:13

Uni do Jihudạ reakʼ nagrahakore aema jiniskoe jogao dohokada ar Jerusalemre do gạkhuṛ lạṛhại birkoe dohoketʼkoa.

2 Bõsbudạ 32:29

Uni do apnar lạgitʼ ạḍi utạr atoko ar nagrahakoe benao rakapʼkeda. Uniren ḍaṅgra, bhiḍi, meromkoakʼ lekha do ạḍi ḍher hoyena, ente Isor do ạḍi utạr dhonkoe emade tahẽkana.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.