2 Bõsbudạ 24:7 - সান্তালী বাইবেল

⁷ Uni bạṛicʼ maejiu Athaliạren hoponko do Probhu Isorakʼ oṛakʼ rạputʼkateko bololena ar sonotakʼ jinisko Bakʼal debotawakʼ pujạ lạgitʼko beoharleda.

2 Bõsbudạ 24:7 Referans Kwoze

2 Bõsbudạ 21:17

Onko do Jihudạrenko akromonketʼkoa ar onḍe bolokate raj oṛakʼ reakʼ sanamakʼ jinisko, Jehoramren hoponko ar uniren bạhukoko bondi idiketʼkoa. Uniren huḍińicʼ hopon Jehoahas chaḍa ar celege bako sarecʼlena.

Johan sodor 2:20

Enhõ am upạrte ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromtetʼem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼ jomakʼko jom.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Kạhtukko 10:7

Dhorom hoṛko reakʼ disạ do bhore ạguiya, menkhan bedhoromkoakʼ ńutum do sea giḍikʼa.

Ester 7:6

Estere menkeda, “Uni dusṭạmi bạiri do nui Hamange.” Unre Haman do raj ar rạni samaṅre ạḍiye botorena.

2 Rapajko 12:4

Joas do naekeye metadea, “Probhu Isorakʼ oṛakʼre sonotakʼ dan lekate tinạkʼ ṭaka poesa ạgukʼ onape hataoa arpe doho jarwaea. Onako do hoyokʼkana- hoṛko lekhako jokhecʼ ạguakʼ ṭaka, manot purạu lạgitʼ ạguakʼ ṭaka ar koejoṅ oṛakʼte apnar kusi leka ạguakʼ ṭaka.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

2 Bõsbudạ 24:4

Tayomte Joas do Probhu Isorakʼ oṛakʼ jut aroe lạgitʼe mon murukkeda.

2 Rapajko 11:1

Jihudạren raj Ahasiạren eṅgattetʼ tinreye ńelkeda, acʼren hopon doe gocʼ ocoyena unre uni do Jihudạ rajren sanam hoponkoe gocʼketʼkoa.

2 Bõsbudạ 22:3

Ahasiạ hõ Ahabakʼ bõsren hoṛkoakʼ hortegeye taṛametʼ tahẽkana, ente uniren eṅgattetʼ do bạṛicʼakʼ kạmi lạgitʼ sopolhae emaekan tahẽkana.

Hosea 2:10

Ar acʼren dulạṛiạwakʼ mẽtʼãhã samaṅrege uniyakʼ lajao paṛaoakʼ kạmi reakʼ iń sodortaea; ińakʼ ti khon uni do celege bako bańcao daṛeaea.