2 Bõsbudạ 24:13 - সান্তালী বাইবেল

¹³ Ar okoe do jut aroe reakʼko kạmikan tahẽkan onko do ạḍiko khaṭaokʼkan tahẽkana, ar onkoakʼ kạmi do laha idikʼkan tahẽkana. Isorakʼ oṛakʼ do lahate lekako hoyocokeda ar ona do ạḍi keṭecʼ hoyena.

2 Bõsbudạ 24:13 Referans Kwoze

Hagae 2:3

‘ape talare nonkan okoe menaea one uni do noa oṛakʼ reakʼ lahateakʼ ṭhonoke ńelakatʼ? Ar ńitokʼ ona do cetʼ lekae ńeleda? Ape do cetʼ bape hudisetʼkana, lahateakʼ khon noa do cetʼge baṅkana mente?’

Nehemiạ 4:7

Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

1 Bõsbudạ 22:5

Dạude menkeda, “Ińren hopon Solomon do umerteye komaogea ar bae gạkhuṛa, menkhan Probhu Isor lạgitʼ okaṭakʼ oṛakʼ benao hoyokʼ ona do sanam jạtren hoṛkoakʼ mẽtʼre ńutumanakʼ, jak jomok ar ṭhonokte perecʼ hoyokʼma. Ona lạgitʼ iń do jotowakʼiń jogaṛ dohokakʼa.” Niạ menkate Dạud do acʼakʼ gujukʼ ạurire aema lekanakʼ jiniskoe jogaṛ dohokada.

2 Bõsbudạ 24:12

Okoe cetanre Probhu Isorakʼ oṛakʼ jut aroe reakʼ bhar tahẽkan raj ar Jehoyada do onkoakʼ tire onako ṭakakin jimạwakʼkoa. Ar onko do Probhu Isorakʼ oṛakʼ arhõ jut aroe lạgitʼ rajmistriko ar kaṭmistriko ar mẽṛhẽtʼ ar pitạlren kạrigolko kạmireko dohoketʼkoa.

2 Bõsbudạ 24:14

Kạmi mucạtʼkate sarecʼ ṭaka do raj ar Jehoyada ṭhenko ạgukeda ar ona ṭakate Probhu Isorakʼ oṛakʼ reakʼ niạko jinisko benao ocokeda: ona do sewa kạmire ar jeredokʼ samaṅokʼakʼ lạgitʼ jinisko, kạṛchuko ar eṭakʼ eṭakʼ sona ar rupạ reakʼ jinisko benao ocokeda. Ar tinạkʼ din Jehoyada jiwetʼe tahẽkan unạkʼ din Probhu Isorakʼ oṛakʼre jaoge jeredokʼ samaṅokʼakʼ reakʼ porobko porobokʼkan tahẽkana.

Exodus 36:4

Okoe gạkhuṛ kạrigolko sonot ṭhạ̃i reakʼ sekʼwa kạmi lạgitʼko kạmikan tahẽkan onko do onako ńelketʼ khan kạmi thirkate Mose ṭhen senkateko menkeda, “Probhu Isorakʼ hukum leka kạmi lạgitʼ tinạkʼ jạruṛokʼ hoṛko do ona khon hõ ḍher jinisko ạguyeda.”