2 Bõsbudạ 24:12 - সান্তালী বাইবেল

¹² Okoe cetanre Probhu Isorakʼ oṛakʼ jut aroe reakʼ bhar tahẽkan raj ar Jehoyada do onkoakʼ tire onako ṭakakin jimạwakʼkoa. Ar onko do Probhu Isorakʼ oṛakʼ arhõ jut aroe lạgitʼ rajmistriko ar kaṭmistriko ar mẽṛhẽtʼ ar pitạlren kạrigolko kạmireko dohoketʼkoa.

2 Bõsbudạ 24:12 Referans Kwoze

1 Rapajko 5:15

Solomon tabere do eaegel hajar gokʼ bhạriạkoko tahẽkana ar buru khon dhiri la ạgui lạgitʼ do irạlgel hajar hoṛko tahẽkana.

2 Samuel 5:11

Turren raj Hiram do Dạud ṭhen adom hoṛe kolketʼkoa ar onko sãote debdạru kaṭko, chutạr mistriko ar raj mistriko hõe kolketʼkoa. Onko do Dạud lạgitʼ mitʼṭen raj oṛakʼko benaokeda.

2 Bõsbudạ 24:11

Liwiko do dinạm hilokʼ ona dan baksa do rajren kạmiyạko ṭhenko idiyetʼ tahẽkana. Ar tinre ona perejokʼkan tahẽkana unre rajren olokʼicʼ ar maraṅ naekeren kạmiạyicʼ do ona dan baksakin khạliyetʼ tahẽkana ar ona tayom do arhõ ona jaegarekin dohokakʼ kan tahẽkana.

2 Bõsbudạ 24:13

Ar okoe do jut aroe reakʼko kạmikan tahẽkan onko do ạḍiko khaṭaokʼkan tahẽkana, ar onkoakʼ kạmi do laha idikʼkan tahẽkana. Isorakʼ oṛakʼ do lahate lekako hoyocokeda ar ona do ạḍi keṭecʼ hoyena.

2 Bõsbudạ 24:27

Joasren hoponkoakʼ biboron, ar uni reaṅ ạḍi utạr nạbi katha ar Isorakʼ oṛakʼ jut aroe reakʼ katha do “Rapajkoakʼ Itihãs ńutuman puthire ol menakʼa. Ona tayom uniyakʼ jaegare uniren hopon Amasiạ do raje hoyena.

2 Bõsbudạ 34:8

Josiạwakʼ rajokʼ gel irạlakʼ bochorre uni do disạm ar mundil oṛakʼ saphae tayom acʼren Probhu Isorakʼ oṛakʼ jut araoe lạgitʼ Asaliạ hopon Saphan, nagraharen subedar Makʼaseya ar Itihãs olokʼicʼ Joahasren hopon Joaha takoe kolketʼkoa.