2 Bõsbudạ 23:8 - সান্তালী বাইবেল

⁸ Naeke Jehoyada okae hukumketʼ Liwiko ar Jihudạren sae sae cetanren subedarko do onkageko kạmikeda. Subedar do jotoge apan ạpin hoṛko, metakʼme jirạukʼ mãhãre okoe do pạli bodolko hecʼlen ar okoe do kạmi khonko ruạṛ calakʼkan tahẽkan onkoko ạguketʼkoa. Onko dolren okoehõ naeke Jehoyada do chuṭi bae ematʼkoa.

2 Bõsbudạ 23:8 Referans Kwoze

2 Rapajko 11:9

Naeke Jehoyada do subedarko oka lekae hukumatʼko onkage onko doko kạmikeda. Subedarko do jotoge apan ạpin hoṛkoante, metakʼme okoe do jirạukʼ mãhãre kạmi reakʼ pạli bodolko hecʼlen ar okoe do kạmi khonko ruạṛ calakʼkan tahẽkan subedarko do onko salakʼ naeke Jehoyada ṭhenko hecʼena.

1 Bõsbudạ 9:25

Onkoren boehako hõ atoko khon hecʼkate pạli pạlite eae dinkate kạmireko goṛoako kan tahẽkana.

2 Bõsbudạ 23:7

Ar Liwiko do apan ạpin khanḍa bhanḍa sapʼkate raj beṛhaeteko tahena. Ar jãhãege mundil oṛakʼteye bolokʼ unigeye gocʼ ocokʼa. Ar jãhãtege raje calakʼ onḍege ape do uni sopor soporpe tahena.”

2 Bõsbudạ 23:9

Dạud rajakʼ okako borlom, kạṭicʼ ar lạṭu ḍhalko Probhu Isorakʼ oṛakʼre tahẽkan onako hataokate uni do subedarkoe ematʼkoa.

1 Bõsbudạ 25:25

Gel irạlakʼ gulibãṭre do Honaniakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

1 Bõsbudạ 26:26

Dạud raj do Israelren eṭakʼ eṭakʼ mukhiyạko, hajar ar sae cetanren subedarko ar maraṅ subedarko okaṭakʼ jinisko Isor ńutumteko begar doholetʼ Solomoth ar uni bõsren hoṛko do onako jinis reakʼ bhanḍarko ńel todarotetʼ tahẽkana.