2 Bõsbudạ 22:7 - সান্তালী বাইবেল

⁷ Ar noa hotete Isor do Ahasiại ńur ocokedea. Ahasiạ do onḍe seṭerkate Joram sãote Nimsiren hopon Jehu upạrte lạṛhại lạgitʼe calaoena. Nui Jehuge Probhu Isor do Ahabakʼ bõsko ḍahao marao lạgitʼe bahalledea.

2 Bõsbudạ 22:7 Referans Kwoze

2 Bõsbudạ 10:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Isor khonge noa ghoṭna do hoyena.

2 Rapajko 9:21

Unre Joram doe hukumkeda, “Ińakʼ rãt gạḍire sadom joṛaokope.” Ar sadomko joṛaoketʼko khan Israelren raj Joram ar Jihudạren raj Ahasiạ do apan ạpin rãt gạḍire decʼkate Jihu sãote ńapamokʼ lạgitʼ kin oḍok calaoena. Ar Jisriyelren Nabatakʼ jumi ṭhen Jihu sãotekin ńapamena.

Malaki 4:3

Ona tayom do dusṭạmikope lebetʼ gańjaokoa, ente oka hilokʼ onakoń kạmiya enhilokʼ onko do apeakʼ jaṅga latarre ńur akan torocʼ baraggeń hoyocokoa. Iń phạdkoren Probhu Isorge noa katha doń meneda.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

1 Rapajko 22:20

Unre Probhu Isor doe menkeda, ‘Ramot-Gilead akromon lạgitʼ okoe Ahabe bulạu idiye uni do onḍegeye gujukʼa. Unre mimitʼ hoṛ do mimitʼ leka kathako menkeda.

1 Rapajko 19:16

Ona chaḍa Nimsiren goṛomtetʼ koṛa Jehu do Israelren raj mentem ojokʼ bahalea, ar amakʼ hudạre nạbi hoyokʼ lạgitʼ do Abel Meholaren Saphat hopon Elisayem ojogea.

1 Rapajko 12:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Probhu Isor khonge noa ghoṭna do hoyena.

Bikʼcạrko 14:4

Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

2 Rapajko 9:27

Ar okaṭakʼ hoyen ona ńelte Jihudạren Ahasiạ raj do Beth-Hagan reakʼ horteye dạṛkeda. Jihu do uniye khudạu idikedete ãṭ aṛaṅteye menkeda, “Uni hõ gojepe.” Unre hoṛko do Ibleam ṭhen Gur ńutumanakʼ rakabokʼ horre Ahasiạ do acʼakʼ rãt gạḍiregeko ghạlkedea, menkhan uni do Megidatteye dạṛkeda ar onḍegeye gocʼena.

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.

1 Rapajko 12:24

Probhu Isore meneda apnar Israelko upạrte lạṛhại lạgitʼ do alo jemonko oḍok calakʼ. Onko do oṛakʼteko ruạṛokʼma, ente noa do Probhu Isorakʼ kạmikana.” Onate onko do Probhu Isorakʼ kathako bataoketʼte Probhu Isorakʼ hukum leka oṛakʼteko ruạṛ calaoena.

2 Rapajko 10:11

Tayomte Jihu do Jisriyelre Ahabakʼ bõsren sarecʼ hoṛko, uniren sanam manotan hoṛko, uniren gateko ar uniren naekekoe gocʼketʼkoa. Ar onkoren do celege jiwetʼ bako tahẽlena.

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.