2 Bõsbudạ 22:5 - সান্তালী বাইবেল

^5-6 Onkoakʼ sopolha leka uni do Israelren Ahab rajren hopon Jehoram sãote Ramot-gileadte Aramren raj Hosael upạrte lạṛhại lạgitʼe oḍok calaoena. Unre Aramrenko do Jehoramko ghạlkedea. Ar ona ghạl khon bogekʼ lạgitʼ Jehoram do Jisriyelteye ruạṛ calaoena. Ahabren hopon Jehoram doe ghạl akan tahẽkante Jihudạren raj Jehoramren hopon Ahasiạ do uni ńele lạgitʼ Jisriyelteye calaoena.

2 Bõsbudạ 22:5 Referans Kwoze

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Daniel 5:22

“Menkhan E Beltsasar, am do uniren hopon kanam; ar jotowakʼ baḍaekatere hõ cedakʼ am do bam nindhạnokʼ kana.

Sereńko 1:1

Bhạgangeae uni hoṛ do, okoe do bedhoromkoakʼ sopolha bae senakʼkan, ar kại hoṛkoakʼ horre bae tahenkan, ar ṭiṭkạri nisṛạukoakʼ duṛupʼakʼre hõ bae duṛupʼkan;

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

2 Bõsbudạ 18:31

Rãt gạḍiren subedarko do Jehosaphat ńelteko hudiskeda, uni kangeae Israelkoren raj do. Onate onko do ạcurente uni akromone lạgitʼko senena menkhan Jehosaphat doe kikiạu gotʼkeda, unre Probhu Isor do uniye goṛowadea ar onate onko do uni ṭhen khonko calaoena.

2 Rapajko 8:9

Unre Hosael do sandes lekate Damesek reakʼ joto khon bhageakʼ jinisko pongel ũṭreye ladekeda ar Elisae sãote ńapamokʼ lạgitʼe senena. Uni do Elisae samaṅre senkate teṅgoyenteye menkeda, “Amren hopon Aramren Benhadad raj do niạ katha kulime lạgitʼe kol akadińạ, ruạ kạhil khon uni doe boge ruạṛokʼa se baṅa.”

1 Rapajko 22:3

Israelren raj do acʼren kạmiyạkoe metatʼkoa, “Ramot Gilead je aboakʼkan ona do cetʼpe baḍaegea? Abo do Aramren raj ṭhen khon hatao ruạṛ lạgitʼ cetʼge babon ceka kana.”

1 Rapajko 4:13

Ramot Geliadre do Bin-Geber. Uni do Geliad Manasiren hopon Jayir reakʼ sanam ato ar Bason reakʼ Argab ṭoṭharen cakʼlaoicʼe tahẽkana. Argab ṭoṭha do pạcrite esetʼ ṭoṭha tahẽkana ar Rupạ reakʼ hurkạṛakʼ duạr sudhạ maraṅ maraṅ turuigel goṭecʼ atokoge.

2 Rapajko 3:1

Jihudạren raj Jehosaphatakʼ rajokʼ gel irạlakʼ bochorre Ahabren hopon Jehoram do Israelren raje hoyena. Uni do Samariạre tahẽkate gelbar bochor raje calaoketʼa.

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.