2 Bõsbudạ 22:11 - সান্তালী বাইবেল

^11-12 Menkhan sanam raj hoponko ạuriko gocʼ ocokʼre Jehoram rajren hoponera Ahasiạren misera Jehosaba do Ahasiạren hopon Joase kombṛo idikedea. Ar Athaliạ ṭhen khon okore dohoye lạgitʼge Jehosaba do Joas ar uniren jokʼtonicʼ mitʼṭecʼ oṛakʼreye dohokatʼkinạ. Onate Athaliạ do uni bae gocʼ daṛeadea. Jehosaba do naeke Jehoyadaren bạhui tahẽkante Athaliạ oka turui bochor disạmreye rajokʼkan tahẽkan onako dinre Joas do Isorakʼ oṛakʼre okogeye tahẽyena.

2 Bõsbudạ 22:11 Referans Kwoze

Aposkạmi 4:28

Amakʼ daṛe ar sanate oka hoyokʼa mentem goṭa doholetʼ tahẽkan onko do onageko onkakeda.

Jesaea 65:8

Probhu Isore meneda, “Darkha jo reakʼ thopare rasa menakʼa ńelte cetʼleka hoṛko men, ‘alom nosṭoea, ńithõ onare bhageakʼ menakʼa,’ onkage ińren gutiko modre joto do bạń maraokoa.

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

2 Bõsbudạ 23:1

Eaeakʼ bochorre Jehoyada do apnartetʼe daṛeyente Jehoramren hopon Asariạ, Jehohanan hopon Ismael, Obedren hopon Asariạ, Adayren hopon Maseya ar Sikri hopon Elisaphat teko sãote mitʼṭecʼ bondobose bandhaokeda. Noko sanamkoge sae saeko cetanren subedarko tahẽkana.

2 Bõsbudạ 21:7

Enhõ Probhu Isor do Dạud lạgitʼ okae bondobose bandhaoletʼ onate uniyakʼ bõsko do bae marao utạrleda. Uni do Dạud ar uni bõsrenko jaejug lạgitʼ mitʼṭecʼ mạli emakoa menteye gokʼletʼ tahẽkana.

2 Rapajko 11:2

Menkhan sanam raj hoponko ạuriko gocʼ ocokʼre Jehoram rajren hoponera Ahasiạren misera Jehosaba do Ahasiạren hopon Joase kombṛo idikedea. Athaliạ ṭhen khon okore dohoye lạgitʼge Jehosaba do Joas ar uniren jokʼtonicʼ mitʼṭecʼ giticʼakʼ oṛakʼreye dohokatʼkinạ. Ar onate Joas do bae gocʼ ocolena.

1 Rapajko 15:4

Enhõ Dạudakʼ katha disạite uniren Probhu Isor do Jerusalemre mitʼṭecʼ mạliye emena, metakʼme uniyakʼ siṅghạsonre duṛubokʼ lạgitʼ mitʼṭen hopone emena ar Jerusalem do ḍahao maraokʼ khone rukhiyạkeda,

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.

2 Bõsbudạ 22:10

Ahasiạren eṅgattetʼ do tinreye ńelkeda acʼren hopon doe gocʼ ocoyena unre uni do Jihudạ rajren sanam hoponkoe gocʼ giḍikatʼkoa.