2 Bõsbudạ 21:16 - সান্তালী বাইবেল

¹⁶ Probhu Isor do Jehoram upạrte Philisṭiko ar Kusrenko sorre okoe Arabrenko girobasokʼ kan tahẽkan onkoakʼ monre bạiri lekae hoyocoketʼkoa.

2 Bõsbudạ 21:16 Referans Kwoze

2 Bõsbudạ 17:11

Adom adom Philisṭiko do Jehosaphat ṭhen khajna lekate dan sandesko ar rupạkoko ạgukeda ar Arabrenko do eaehajar eaesae bheḍako ar eaehajar eaesae meromko emadea.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

2 Bõsbudạ 22:1

Jerusalemren hoṛko do Jehoramren huḍińicʼ hopon Ahasia do apattetʼakʼ jaegareko rajkedea, ente luluṭko do Arabrenko sãote luluṭ hecʼkate Jehoramren sanam hoponkoko gocʼletʼkoa. Onatege Jihudạren raj Jehoramren hopon Ahasiạ do rajokʼe ehopʼena.

1 Rapajko 11:23

Solomon upạrte Isor do ar mitʼṭen bạiriye teṅgokedea. Uni doe hoyokʼkana Elijadaren hopon Reson. Uni do acʼren kisạ̃ṛ Sebaren raj Hadadser ṭhen khone dạṛ akatʼ tahẽkana.

1 Rapajko 11:14

Inạ tayom Probhu Isor do Solomon upạrte Edomren Hadad bạiri lekateye teṅgokedea. Uni do Edomren raj bõsreye janamlena.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Esra 1:5

Noate Jihudạ ar Benjạminren bõs mukhiyạko, naekeko ar Liwiko talare okoekoakʼ ontorre Isor do monsubại janam ocoketʼtako onko mimitʼko do Jerusalemre Probhu Isorakʼ oṛakʼ benao lạgitʼko sapṛaoena.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

2 Bõsbudạ 26:7

Isor do Philisṭiko, Gurbakʼalre girobasokʼ kan Arabrenko ar Meuniko upạrteye goṛowadea.

1 Rapajko 11:11

Onate Probhu Isor do Solomone metadea, “Amakʼ noa beohar iạte ar ińakʼ bondobos ar niạmko bam bataoetʼte khạṭige amakʼ rajosṭi doń recʼmea ar amren mitʼṭen gutiyiń emaea.

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

Joel 3:5

Ona reakʼ karon do hoyokʼkana, ape do ińakʼ sona ar rupạpe hatao akada ar ińakʼ joto khon damanakʼ jinisko apeakʼ mundilrepe aderakada.

Amos 1:6

Probhu Isore meneda, “Gasa reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente onko sanam hoṛ do bondikate Edomakʼ tireko jimạ ocoakana.