Biblia Todo Logo
Bib sou entènèt

- Piblisite -




2 Bõsbudạ 20:7 - সান্তালী বাইবেল

7 E aleren Isor, amren hoṛ Israelko samaṅ khon niạ disạmren hoṛkom laga ńirketʼkote amren guti Abraham bõsren hoṛko jaejug lạgitʼem em akatʼkoa.

Gade chapit la Kopi




2 Bõsbudạ 20:7
23 Referans Kwoze  

Nonkate sonot sostor reakʼ katha do purạulena, “Abraham do Isorakʼ kathae biswạsada ar onate Isor do dhorom menteye ataṅkedea.” Onate uni do Isorren dulạṛiạ menteye hoho ocolena.


Probhu Isore meneda, “Menkhan E ińren guti Israel, ar ińiń bachao akade Jakob, ińren dulạṛicʼ Abrahamren bõs,


Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.


Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.


Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.


Menkhan iń do aperen hapṛam Abrahamge gaḍa hanasa khoniń ạgukedea ar Kanan disạm reakʼ sanam jaegakoreń dãṛãbaṛa ocokedea ar uniren bõskoń saṅge ocoketʼkoa. Ar Isahak iń danadea,


Ar okako jaegam ńel ona do am ar amren bõsko jaejug hạbicʼ iń emakoa.


Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”


Iń do ape laha lahate mitʼṭen serma goḍet iń kolea ar uni do ona disạm khon Kananrenko, Amorirenko, Hittirenko, Pherisirenko, Hiwirenko ar Jebusirenkoe laga ńirkoa.


Noako katha roṛ tayom celakoe metatʼkoa, “Aboren gate Lasar doe jạpitʼ akada, menkhan uni berede lạgitʼ iń calakʼkana.”


“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.


Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.


Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.


Iń do golam bạń metapekana, ente kisạ̃ṛ cetʼe cekakan golam do ona bae baḍaea; menkhan iń do gateń metapekana, ente Baba ṭhen khon okań ańjomakatʼ onage apeń baḍae ocoakatʼpea.


Ar okaṭakʼ jumire bape khaṭao akan ar okaṭakʼ ato ar nagraha bape benao akatʼ onako apeń ematʼpea. Ar ńitokʼ do onako nagraha ar atokorepe girobasokʼ kana; ona chaḍa okaṭakʼ darkha bape cas akatʼ ar okaṭakʼ jạitun daṛe bape rohoe akatʼ onako reakʼ jo hõ ńitokʼpe jomeda.’ ”


Onko do onḍeko girobasokʼ kana ar am lạgitʼge mitʼṭecʼ sonot oṛakʼ benaokateko menakada,


Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.


Uni doe onka akada jemon maraṅ ar daṛean jạtrenko ape samaṅ khone laga ńirkote onkoakʼ disạmte apeye idi daṛeape ar sompotti lekate onae em daṛeape; ar teheń do onage hoyakana.


“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.


“Ape samaṅ khon maraṅ ar daṛean jạtrenko do Probhu Isorgeye laga ńir akatʼkoa. Teheń hạbicʼ okoehõ ape samaṅre bako ṭeṅgo ṭarhao daṛe akawada.


Onko do akoakʼ tarwaṛete noa disạm do bako ạidạrian tahẽkana, ar akoakʼ daṛete hõ bako jitạu daṛeada; amakʼ daṛe, hẽ amakʼ maraṅ daṛete, ar amakʼ ṭhonoktege ona doko onkaleda, ente onkore amakʼ daya do tahẽkana.


Swiv nou:

Piblisite


Piblisite