2 Bõsbudạ 20:6 - সান্তালী বাইবেল

⁶ “E Probhu, aleren hapṛamkoren Isor, am dom semaren Isor kana. Am do sanam jạtrenkoakʼ rajosṭikom ḍanṭaoeda. Daṛe ar ektiạri do amakʼ tirege ar celege am do bako teṅgo daram daṛeama.

2 Bõsbudạ 20:6 Referans Kwoze

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Sereńko 47:8

Sanam jạtrenko cetanre Isor doe rajokʼ kana; uni do acʼakʼ sonot siṅghạsonreye duṛupʼ akana.

Aposkạmi 11:17

Enḍekhan Probhu Jisu Mạsire bon pạtiạulenre Isor okaṭakʼ dane ematʼbon tahẽkan inạ mitʼ dange uni do onko hõe ematʼko khan iń doń celekante, Isoriń akoṭ daṛekea?”

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Mathae 6:9

Onate ape do nonka leka koejoṅpe; E aleren sermare menam Baba, amakʼ ńutum sonotokʼ ma.

Daniel 4:25

Am do hoṛko tala khonem laga ńir ocokʼa ar janwarko sãotem tahena; am do ḍaṅgra leka ghãsem joma ar serma reakʼ sisirdakʼtem lohodokʼa. Nonkate eae bochor hạbicʼ calakʼa, one tin hạbicʼ bam aṅgocʼ manwakoakʼ rajosṭi cetanre maraṅ Isorgeye rajokʼkana mente ar onako rajosṭi do acʼ okoeye kusiyae unigeye emaekana.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Sereńko 115:3

Aboren Isor do sermare menaea; uni do acʼakʼ sana lekageye kạmikana.

1 Rapajko 8:23

Uni doe menkeda, “E Probhu Israelkoren Isor, coṭ sermare se latar otre am lekan cele Isorge bạnukʼkoa. Amren gutiko okoe do mon ar ontorte amakʼ horteko calakʼkan onko do amakʼ asambheṛ dulạṛem udukʼako kana ar bondobosem bandhao akada.

Josuạ 2:11

Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Sereńko 62:11

Sanamakʼ daṛe do Isorakʼ tirege noa katha uni do aema dhaoe roṛakada, ar ińhõ ona do aema dhaogeń ańjomakada.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

1 Bõsbudạ 29:18

E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Romiko lạgitʼ Pạul Apostolakʼ ciṭhi 9:19

Hoedaṛeakʼa ape modre jãhãepe mitạńa, “Cedakʼ enḍekhan ńit hõe dusi kana? Ar jãhãege cetʼ uniyakʼ monejoṅakʼreye teṅgo daram daṛeakʼa?”

2 Bõsbudạ 20:5

Unre Jehosaphat do Probhu Isorakʼ oṛakʼ reakʼ nãwã racare Jihudạ ar Jerusalemren sanam hoṛko samaṅre teṅgoyenteye menkeda,

2 Bõsbudạ 25:8

Onkom idi torako ar dil salakʼem lạṛhạilen khan hõ bạiriko ṭhen Isor doe bhagao ocomea, ente jitạu ocome se bhagao ocome reakʼ dare do eken Isorakʼge menakʼtaea.”

Sereńko 54:1

E Isor, amakʼ daṛete bańcaoińme; ar amakʼ maraṅ daṛete chinḍạukạtińme.

Jesaea 14:27

Phạdkoren Probhu Isorge noako doe ṭhik dohoakada, onate okoe ona doe mạutạ daṛekea? Uniyakʼ ti do tiạr akan menakʼtaea, ar okoe ona doe lạbṛukʼ daṛeketaea?

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

2 Bõsbudạ 6:14

“E Probhu Isor, Israelkoren Isor, coṭ sermare se latar otre am lekan do ar cele Isorge bạnukʼkoa. Amren gutiko okoe do mon ar ontorte amakʼ horteko calakʼ onko secʼ amakʼ asambheṛ dulạṛ reakʼ bondobos baṛe rukhiyại me.

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”