2 Bõsbudạ 20:10 - সান্তালী বাইবেল

¹⁰ “Ńitokʼ do Amonrenko, Moabrenko ar Seyir bururen hoṛko nonḍeko hecʼakana. Israelko tinre Misor khonko oḍok hecʼlena unre am do onkoakʼ disạmte bam bolo ocowatʼko tahẽkana. Ar onatege onko bako marao cabako baṅkate onko ṭhen khonko calaolena.

2 Bõsbudạ 20:10 Referans Kwoze

Dosar Biboron 2:19

Menkhan ape do tinre Amonrenko ṭhenpe seṭerokʼa unre onko do alope ạṛiskoa se lạṛhại lạgitʼ alope uskạukoa, ente Amonrenkoakʼ disạm reakʼ okaṭakʼ hĩs hõ ape do bạń emapea. Ona do Loṭ bõsrenko sompotti lekateń em dohoakatʼkoa.’ ”

Dosar Biboron 2:9

Ona tayom Probhu Isor do ińe metadińạ, ‘ape do Moabrenko alope buskokoa se lạṛhại lạgitʼ hõ alope uskạukoa, ente onkoakʼ disạm reakʼ oka hĩsge ape do bạń emapea. Iń do sompotti lekate Ar nagraha do Loṭren bõskoń emakawatʼkoa.”

2 Bõsbudạ 20:1

Inạ tayom Moabrenko, Amonrenko ar Meyunikoren adom hoṛko do Jehosaphat upạrte lạṛhại lạgitʼko oḍok hecʼena.

2 Bõsbudạ 20:22

Hoṛko tinre sereń ar sarhaoko ehopʼena unre Probhu Isor do Jihudạko upạrte lạṛhại lạgitʼ hijukʼkan Amonrenko, Moabrenko ar Seyir bururen hoṛko upạrte lạṛhại phạdkoe tãṛãkʼ dohokatʼkoa. Ar unre Amonrenko ar Moabren hoṛko do Seyir bururen hoṛko upạrteko rakapʼ calaoen khan sanamkoko gocʼ cabaketʼkoa. Ar Seyirrenko gocʼ cabaketʼko khan onko do ako ako mapakʼ gopocʼko dhurạuena. Ar nonkate onko doko bhagao ocoyena.

Sereńko 83:6

tạmbukore ḍera akan Edomrenko, Ismaelrenko, Moabrenko ar Hagriko,

Sereńko 83:7

Gebaliko, Amonrenko, Amalekiko ar Turren sãoten Philisṭiko;

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.