2 Bõsbudạ 20:1 - সান্তালী বাইবেল

¹ Inạ tayom Moabrenko, Amonrenko ar Meyunikoren adom hoṛko do Jehosaphat upạrte lạṛhại lạgitʼko oḍok hecʼena.

2 Bõsbudạ 20:1 Referans Kwoze

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Jirimiạ 10:24

E Probhu Isor, eken dhorom bicạrte baṛe sudhrạuiń me, menkhan amakʼ edrete ona do alom onkaea, arem onkae khan iń doń caba utạrokʼa.

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

2 Bõsbudạ 32:1

Hiskiạ do pạtiạr salakʼ jotowakʼe sạtketʼ tayom Asurren raj Senakerib do hecʼkate Jihudạ cetanre jhãpe emkeda. Uni do pạcrite esetʼ ato ar nagrahakoe gheraokeda, are hudiskeda onako doe jitạujoṅa.

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

Jesaea 7:1

Usiạren goṛomtetʼ, metakʼme Jothamren hopon Ahas do tinre Jihudạ disạmren raje hoyena unre Aramren Rathsin raj do Israelren raj Ramayelren hopon Pekoho soṅgekate Jerusalem upạrte lạṛhại lạgitʼe rakapʼ hecʼena, menkhan unkin do bạkin jitạu daṛeada.

2 Bõsbudạ 19:5

Uni do disạm talare, metakʼme Jihudạ reakʼ mimitʼ goṭecʼ pạcrite esetʼ ato ar nagrahakore bikʼcạrkoe bahalketʼkoa.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

1 Bõsbudạ 4:41

Simeon gusṭiren noko hoṛko do Jihudạren raj Hiskiạ oktere onḍeko senlena. Onko do ḍerate senkate onkoko akromonketʼkoa. Ona chaḍa onko do onḍenko Miyuniạko cetanre jhãpko emketʼte onkoko marao utạrketʼkoa. Ar onkoakʼ cetʼ cinhạge bako doholeda. Ona tayom onko do onkoakʼ jaegare girobasokʼko ehopʼena, ente onḍe do akoren ạsul janwarkoakʼ aema ghãsko tahẽkana.

2 Bõsbudạ 20:10

“Ńitokʼ do Amonrenko, Moabrenko ar Seyir bururen hoṛko nonḍeko hecʼakana. Israelko tinre Misor khonko oḍok hecʼlena unre am do onkoakʼ disạmte bam bolo ocowatʼko tahẽkana. Ar onatege onko bako marao cabako baṅkate onko ṭhen khonko calaolena.

2 Bõsbudạ 26:7

Isor do Philisṭiko, Gurbakʼalre girobasokʼ kan Arabrenko ar Meuniko upạrteye goṛowadea.

Jirimiạ 49:1

Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

2 Bõsbudạ 14:8

Jihudạ gusṭiwakʼ ṭoṭhare Asa rajren do ḍhal ar borlom akʼsen lạṛhại phạdko do pe lakh hoṛko tahẽkana, ar Benjạmin gusṭi reakʼ ṭoṭhare do ḍhal ar akʼ sar sasapʼko bar lakh irạlgel hajar lạṛhại phạdko tahẽkana. Noko sanamkoge bir baṅṭako tahẽkana.