2 Bõsbudạ 2:6 - সান্তালী বাইবেল

⁶ Menkhan uni lạgitʼ oṛakʼ do okoeye benao daṛekea? Ente serma, se serma rajrehõ uniyakʼ jaega do cetʼ okulạn hoyokʼa? Uni samaṅre eṭakʼ eṭakʼ samaṅokʼakʼ jinisko jeredokʼ ṭhạ̃i chaḍa ar cekate iń do uni lạgitʼ mitʼṭecʼ oṛakʼ iń benao daṛekea?

2 Bõsbudạ 2:6 Referans Kwoze

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

2 Bõsbudạ 6:18

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanamakʼ jaegare hõ amakʼ okulạn hoyokʼ khan ińakʼ benaoakʼ niạ oṛakʼre amakʼ jaega do cetʼ hoyokʼgea?

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

2 Bõsbudạ 1:10

Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

1 Bõsbudạ 29:14

“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.

2 Samuel 7:18

Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, amge nunạkʼ hạbicʼem ạyur ạguakadińạ.

Exodus 3:11

Menkhan Mose do Isore metadea, “Iń do nonkan celegeń baṅkana, one Pharao ṭhen senkate Misor khon Israelkoń oḍok ạgu daṛeako.”

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Dosar Biboron 12:26

“Probhu Isore bachao akatʼ ṭhạ̃ire apeakʼ sonot jinisko ar manot akatʼakʼ jinisko idiy hoyokʼtapea.

Dosar Biboron 12:14

Aperen gusṭiko khon emakʼ okaṭakʼ ṭhạ̃i Probhu Isore bachao joṅ onḍege jeredokʼ samaṅokʼakʼpe samaṅa ar onḍege ińiń hukum akatʼ reakʼ jotowakʼpe kạmiya.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Exodus 31:5

ar damanakʼ dhiriko ged ar onare rokʼ bạisạu ar kaṭ reakʼ eṭakʼ sanam lekan kạmiko hõe kạmi daṛeakʼa.

1 Rapajko 7:13

Solomon raj do Turte hoṛ kolkate Hirame hoho ạgu ocokedea.

1 Rapajko 7:14

Uniren eṅgattetʼ do mitʼṭecʼ rạnḍi maejiu ar Naphtali gusṭiren hoponerae tahẽkana. Uniren apattetʼ do Turren hoṛe tahẽkana. Ar Hiram do pitạl kạrigole tahẽkana. Hiram do pitạl reakʼ sanam lekan kạmikoe baḍaekan tahẽkana ar ona kạmire uni do ạḍi gạkhuṛ kạrigole tahẽkana. Uni do Solomon raj ṭhene hecʼena ar okako kạmiye emocoyen onakoe kạmikeda.

1 Bõsbudạ 22:15

Amren do ạḍi utạr kạmiyạkoko tahena; onko doko hoyokʼ kana dhiri lakʼ rokʼren mistriko, raj mistriko ar chutạr mistriko. Ona chaḍa eṭakʼ eṭakʼ kạmi lạgitʼ gạkhuṛ hoṛko okoe do sona, rupạ, pitạl ar mẽṛhẽtʼ reakʼ mońjko kạmi daṛeakʼ. Ar noako kạmiren kạrigol doko ḍhergea. Am do ńitokʼ kạmi ehobme, ar Probhu Isore do am sãote baṛeye tahenma.”