2 Bõsbudạ 2:10 - সান্তালী বাইবেল

¹⁰ Iń do amren hoṛko, metakʼme dare mamakʼko do pe hajar turui sae ṭon holoṅ, pe hajar turui sae ṭon jao, pon lakh pon sae liṭar darkha rasa ar pon lakh pon sae liṭar jạitun sunumiń emakoa.

2 Bõsbudạ 2:10 Referans Kwoze

1 Rapajko 5:11

Ar Solomon hõ Hiram ar uniyakʼ oṛakʼren hoṛkoakʼ jomakʼ lạgitʼ pe hajar turui sae ṭon guhum ar pon hajar irạl sae liṭar jạitun reakʼ sunume emadea. Nonkage Solomon do bochorke bochor onae emadea.

Luk 10:7

Ona oṛakʼrege tahenpe ar okako emape onage jompe, ente okoeye kạmikan uni do acʼakʼ kuṛại ńam lek kanae. Ar mitʼ oṛakʼ bạgikate eṭakʼ oṛakʼte alope calakʼa.

Esra 7:22

Ape do pe hajar are sae keji hạbicʼ rupạ, gel irạl hajar keji hạbicʼ guhum, bar hajar bar sae liṭar hạbicʼ darkha rasa, bar hajar bar sae liṭar hạbicʼ sunum ar tinạkʼ buluṅ lagaokʼ onape emaea.

1 Rapajko 7:38

Uni do mimitʼ gaṛsãoḍiko lạgitʼ mitʼṭecʼ kate pitạl reakʼ gel goṭecʼ gamlae benao ocokeda. Mimitʼ gamla reakʼ beṛ do pon moka osar tahẽkana ar onare irạl sae irạl gel liṭar dakʼ sahobokʼkan tahẽkana.

1 Rapajko 7:26

Ona karahe do pon kạṭupʼ dạriạ tahẽkana. Ar ona reakʼ kaṅkha do bạṭi reakʼ kaṅkha, sikiyạm baha muṭhạn leka tahẽkana. Onare do pongel pon hajar liṭar dakʼ sahobokʼ kan tahẽkana.

2 Bõsbudạ 2:15

“Onate ińren mạlik am oka lekam menakatʼ ona lekage jao, guhum, jạiutun reakʼ sunum ar darkha rasa do ale ṭhenem kola.

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

1 Bõsbudạ 14:2

Unre Dạud doe bujhạukeda, Probhu Isor do Israelko cetanre acʼakʼ raj hudại teṅgo dohoakada ar uniren hoṛko, metatʼme Israelko lạgitʼ acʼakʼ rajosṭiye maraṅketʼtaea.

2 Bõsbudạ 9:8

Amren Probhu Isorakʼ sarhaoge baṛe hoyokʼtae ma, okoe do am cetanreye kusi akante acʼakʼ siṅghạsonreye duṛupʼ akatʼme jemon amren Probhu Isorakʼ rajosṭim benao daṛeakʼ. Uni do Israelkoe dulạṛetʼkoa ar jaejug hạbicʼ ṭarhao ocoko lạgitʼte uni do hok reakʼ bicạr ar dhorom rukhiyại lạgitʼgeye raj akatʼmea.”