2 Bõsbudạ 19:7 - সান্তালী বাইবেল

⁷ Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

2 Bõsbudạ 19:7 Referans Kwoze

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

Romiko lạgitʼ Pạul Apostolakʼ ciṭhi 9:14

Enḍekhan cetʼ bon menkea Isor doe behoketʼ kana? Ekaltege baṅa. Uni do Moseye metade tahẽkana,

Kolossiko lạgitʼ Pạul Apostolakʼ ciṭhi 3:25

Ente behokicʼ do acʼe behokakatʼ reakʼ kuṛạiye ńam ruạṛa; Probhu Isor ṭhen mẽtʼãhã beṅgetʼakʼ do bạnukʼ anaṅ.

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Ephesiko lạgitʼ Pạul Apostolakʼ ciṭhi 6:9

E kisạ̃ṛko, aperen golamko sãote ape hõ onkage beoharpe. Onko do botor alope udukʼakoa, entepe baḍaegea, onko ar aperen doe ini mitʼ Probhu Isor kangeae ar uni do sermare menaea; uniyakʼ mẽtʼãhã samaṅre do jotogeko somangea.

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Genesis 42:18

Tesar hilokʼ Joseph do onkoe metatʼkoa, “Iń okań metatʼpe ona onkaepe, ente iń do Isoriń botoraea.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

Jobakʼ 8:3

Isor do cetʼ hok upạrteye kạmikana? Sanam daṛeanicʼ do cetʼ ṭhikakʼ doe beṭhikeda?

1 Samuel 11:7

Uni do barea ḍaṅgrae hataoketʼkinte unkine samakʼ kaṭra kuṭrạketʼ kinạ. Ar ona tayom onako kaṭra kuṭrạ do hoṛ kolkate Israel disạm reakʼ sanam jaegareye kolkeda ar noa katha lại pasnao lạgitʼe metatʼkoa, “Jãhãege Sạul ar Sạmuel sãote bae midokʼ onkoren gại ḍaṅgrawakʼ halot hõ nonkage hoyokʼtakoa.” Probhu Isor do Israelkoakʼ monre mitʼṭecʼ botore rakapʼ ocoketʼtakoa, ar onko do mitʼte jotoko oḍok hecʼena.

Jobakʼ 13:10

Mẽtãhãpe beṅgetʼakʼ khan ape do khạṭigepe nisṛạu ocokʼa.

Sereńko 82:2

“Ape do ar tinạkʼ din behokpe bicạra? Ar tinạkʼ din bedhoromko secʼpe tahena? (Sela)