2 Bõsbudạ 19:6 - সান্তালী বাইবেল

⁶ Uni do bikʼcạrkoe metatʼkoa, “Ape do sontorte jotowakʼpe kạmiya, ente jãhãe manwa lạgitʼ do baṅa bickom Probhu Isor lạgitʼgepe bicạra. Bicạr reakʼ ray emokʼ oktere uni do ape sãoteye tahena.

2 Bõsbudạ 19:6 Referans Kwoze

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Levitikus 19:15

“Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

Josuạ 22:5

Menkhan okako hukum ar ạn-ạriko Probhu Isorren guti Moseye em akawatʼpe ona manao reakʼ moneyakʼpe. Ar aperen Probhu Isor dulạṛepe, uniyakʼ horre taṛampe, uniyakʼ sanam hukumko manaope, unire sapʼ kajak akae tahenpe ar apeakʼ goṭa mon ar daṛete uni sewawaepe.”

Aposkạmi 22:26

Noa katha ańjomkate uni subedar do maraṅ subedar lạiyadeteye metadea, “Am do cetʼem cekae lạgidokʼ kana? Nui ma coṅe Romi hoṛkan.”

Aposkạmi 5:35

Ona tayom maraṅ bạisiren hoṛkoe metatʼkoa, “E Israelko, men sontorokʼpe, noko hoṛko cetanre okaṭakʼ kạmipe menjoṅkan.

Luk 21:8

Jisui roṛ ruạṛatʼkoa, “Ńelpe, okoe hõ jemon aloko bulạupe, ente ḍher hoṛge iń ńutumte hecʼkateko metapea, ‘iń kangeạń’ ar ‘okte do sorakana.’ Onko do alope pańjakoa.