2 Bõsbudạ 19:3 - সান্তালী বাইবেল

³ Tobe amre thoṛa bhageakʼ hõ menakʼa, ente am do disạmren Asera-muṭhạnkom marao giḍi akatʼkoa ar Isorakʼ sana leka calakʼ lạgitʼ amakʼ monem keṭecʼakada.”

2 Bõsbudạ 19:3 Referans Kwoze

2 Bõsbudạ 12:12

Rehobiam do apnartetʼe nindhạnlente uni cetanre Probhu Isorakʼ oka edre tahẽkan ona do thirena ar uni do bae marao ocolena. Unrehõ Jihudạre do thoṛa bhage hoṛko tahẽkana.

Esra 7:10

Esra do Israel disạmre Probhu Isorakʼ ạn-ạriko paṛhao ańjomako, onako manao, ar ona reakʼ niạmko ar hukumko cetʼako lạgitʼ apnartetʼe emena.

1 Rapajko 14:13

Israelren sanam hoṛ do uni lạgitʼko rakʼ homora arko topakaea. Jerobiamren nijạr hoṛko modre eken unigeye topa ocokʼa, ente Jerobiamakʼ bõsre eken uniren hopontetʼ cetanrege Israelren Probhu Isor do bhuktiye ńelakada.

2 Bõsbudạ 12:14

Rehobiạm do Probhu Isorakʼ sana leka calakʼ bae moneyatʼte okaṭakʼ bạṛicʼakʼkan onageye kạmikeda.

Romiko lạgitʼ Pạul Apostolakʼ ciṭhi 7:18

Ińiń baḍaea ińre, metakʼme ińakʼ jel reakʼ sanare bhage mente do cetʼge bạnukʼa. Ar okaṭakʼ sạrige bhageakʼ kan ona kạmi reakʼ sana do menakʼgea menkhan daṛe do bạnukʼtińa.

Sereńko 57:7

E Isor, ińakʼ mon do ṭarhaoge menakʼa, bạń ḍikạḍake akana; iń doń sereńa, ariń õṛhẽmea.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

2 Bõsbudạ 20:33

Menkhan than boṭkocʼko do unhõ bae marao utạrleda, ente hoṛko do hapṛamkoren Isor secʼ unhõ mon bako ạcurakatʼ tahẽkana.

2 Bõsbudạ 11:16

Israelren sanam gusṭiko modre okoe do Israelren Probhu Isorakʼ sana baḍaejoṅ lạgitʼko udgạulen onko do akoren hapṛamkoren Probhu Isor ńutumte Liwiko soṅgekate Jerusalemteko hecʼena.

2 Bõsbudạ 15:12

Onko do noako gokʼkeda, goṭa mon ar ontorte akoren hapṛamkoren Probhu Isorakʼ sana lekako calakʼa mente;

2 Bõsbudạ 15:15

Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.

2 Bõsbudạ 22:9

Ona tayom uni do Ahasiạ sendraye lạgitʼe oḍokena. Ahasiạ do unre Samariạreye oko akan tahẽkana ar hoṛko do uniko sapʼkedete Jehu ṭhen idikateko gocʼkedea. Arko topakadea, ente onkoko metade tahẽkana, “Nui do Jehosaphat ren goṛomtetʼ koṛa kanae uni do goṭa ontorte Probhu Isorakʼ sana lekae calakʼkan tahẽkan.” Ar Ahasiạwakʼ bõsre raj hoyokʼ leka ektiạri do okoeyakʼge baṅ tahẽkana.

2 Bõsbudạ 27:6

Nonkate Jotham doe daṛe idiyena, ente uni do pạtiạr salakʼ Probhu Isorakʼ horteye calakʼkan tahẽkana.