2 Bõsbudạ 19:2 - সান্তালী বাইবেল

² Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

2 Bõsbudạ 19:2 Referans Kwoze

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Ephesiko lạgitʼ Pạul Apostolakʼ ciṭhi 5:11

Ńut reakʼ bin jowanakʼ kạmikore do alope seledokʼa; bickom onako reakʼ dos udukʼakope,

2 Bõsbudạ 32:25

Menkhan Hiskiạ do monre bạḍại hecʼadea. Uni cetanre cetʼleka bhore ńamketʼ ona leka do bae kạmileda; onate uni cetanre, Jihudạ ar Jerusalem cetanre Probhu Isor doe edreyena.

2 Bõsbudạ 24:18

Onko do akoren hapṛamkoren Probhu Isorakʼ oṛakʼ bạgikate Asera-muṭhạn ar boṅgako sewawakoko ehopʼena. Onkoakʼ niạ kại iạte Isorakʼ edre do Jihudạ ar Jerusalem cetanre paṛaoena.

2 Bõsbudạ 20:34

Jehosaphatakʼ eṭakʼ eṭakʼ kạmiko reakʼ katha do etohopʼ khon mucạtʼ hạbicʼ Hananiren hopon Jehuye olleda; ar ona do “Israelkoren rapajkoakʼ Itihãs” ńutumanakʼ puthire ol menakʼa.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

1 Rapajko 16:1

Unre Basa upạrte Hananiren hopon Jehu ṭhen Probhu Isorakʼ niạ katha sodorena,

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

1 Samuel 9:9

(Lahateakʼ dinkore Israel disạmren jãhãe hoṛ Isor ṭhen khon jãhãnakʼ reaṅ baḍae joṅko men khan onko do calakʼ lahareko menetʼ tahẽkana, “Dela, ńeńelicʼ ṭhen bon calakʼa.” Ar ńitokʼ okoe do nạbiye men ocokʼkan uni do lahateakʼ dinkore ńeńelicʼe men ocokʼkan tahẽkana.)

Romiko lạgitʼ Pạul Apostolakʼ ciṭhi 1:30

eṭakʼkoakʼko oktawa ar Isorko hirkhạwaea. Onko do raṅgakʼko, usul monanko ar bạḍạiko, kanako. Bedhorom kạmi lạgitʼ nãwã nãwã ponthako ńamtotʼeda. Onko do go-baba bebataoko kanako,

Romiko lạgitʼ Pạul Apostolakʼ ciṭhi 1:18

Manwa do Isorakʼ sạriyakʼtetʼ akoakʼ bedhoromteko ten esetʼeda, onate sanam bebhokti ar sanam bedhorom kạmiko iạte serma khon Isorakʼ edre do manwakore sodorokʼ kana.

Johan 15:23

Okoe ińe kurudạń uni do ińren Babageye kurudae kana.

Johan 15:18

“Dhạrtiren hoṛkoko kurudape khan, baḍaepe ape lahare onko do ińgeko kurudạńkana.

Sereńko 68:1

E Isor ma beretʼme, uniren bạiriko doko chirchạtur cabakʼma ar uni birudrenko do uni samaṅ khonko ńirjoṅma.

Sereńko 21:8

Amakʼ titege amren sanam bạirikom sapʼetʼkoa; ar amko hirkhạwamko do jojom titem sapʼpaṭetʼkoa.

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

2 Bõsbudạ 18:28

Inạ tayom Israelren Ahab raj ar Jihudạren Jehosaphat raj do Ramot gilead akromon lạgitʼ kin senena.

2 Bõsbudạ 18:7

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor ṭhen bon kuli daṛeke, menkhan iń do uniń kurudae kana, ente uni do ińakʼ bhạlại reakʼ katha do tishõ bae roṛ akada, ar jao ghuṛi ińakʼ bạṛicʼ reakʼ kathageye roṛa. Uni doe hoyokʼkana Imlạ hopon Mika.” Unre Jehosaphate roṛ ruạṛkeda, “Raj do onka baṛe aloe roṛma.”

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.

1 Rapajko 16:12

Jehu nạbi hotete Probhu Isor do Basa upạrte okae roṛletʼ onkage Simri do Basawakʼ bõsren sanamkoe marao giḍikatʼkoa.

1 Rapajko 16:7

Hananren hopon Jehu nạbi hotete Basa ar uniyakʼ bõsko upạrte Probhu Isorakʼ katha do sodorlena, ente Jerobiamakʼ bõsrenko leka uni do Probhu Isorakʼ mẽtʼre oka bạṛicʼakʼ kan ona kạmikote Probhu Isore bekusi ocokedea ar Jerobiamakʼ bõskoe marao giḍikada.

Dosar Biboron 33:11

E Probhu Isor, am do uniyakʼ sompotti baṛe bhorakʼtaeme, ar uniyakʼ sanamakʼ kạmire kusikʼme. Uniren bạirikoakʼ ḍanḍa baṛe rạpudtakome, ar okoe uniko hirkhạwae onkoakʼ ḍanḍa hõ rạpudtakome, jemon aloko teṅgo ruạṛ daṛeakʼ.”

Dosar Biboron 32:41

Ińakʼ malkaokʼkan tarwaṛe iń doń lasertińạ, ar bicạr reakʼ ray purạu lạgitʼte ona doń saba, ar ińren bạirikoń sạjạikoa, okoe ińko hirkhạwạń onko do kuṛạiyiń emkatakoa.

Dosar Biboron 7:10

Menkhan okoe uniko kurudaekan onkoe doe hala ruạṛakoa are marao giḍikoa; ar ona onkae lạgitʼ do bae biloma.

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Sereńko 71:15

Amakʼ dhorom kạmi ar amakʼ bańcaokʼ reakʼ katha do goṭa dinge ińakʼ mocare tahena, ente onako do baṅge lại cabakʼa.

2 Bõsbudạ 18:1

Jehosaphatakʼ do ạḍi utạr dhon duribko tahẽkantaea ar manot hõ tahẽkana. Uni do bapla hotete Ahab tulucʼ gateye hoylena.

1 Rapajko 22:44

Ar uni do Israelren raj sãoteye bondobos akatʼ tahẽkana.

2 Bõsbudạ 19:1

Jihudạren raj Jehosaphat do Jerusalemte acʼakʼ raj doṅgolte nirạiteye ruạṛ hecʼena.

2 Bõsbudạ 19:10

Eṭakʼ eṭakʼ ato ar nagrahakore girobasokʼ kan hoṛko ṭhen khon jãhã lekan mamblage hijukʼ: baṅ do mãyãm joro ocoakanakʼ, baṅ do ạn-ạri ar niạmko, baṅ do hukumkoge: ape do onkope sontorkoa jemon Probhu Isorakʼ mẽtʼre dusi aloko hoyokʼ. Ar baṅ khan ape ar aperen hoṛko cetanre Probhu Isorakʼ edre do pheḍ hijukʼa. Ar nonkage kạmipe, jemon dusi alope hoyokʼ.

2 Bõsbudạ 26:18

Onko do uni teṅgo daramkedeteko metadea, “E Usiạ, Probhu Isor ńutumte amakʼ dhup jered reakʼ ektiạri do bạnukʼtama. Aronren bõsko, okoe do dhup jered lạgitʼko begar ocoakan, eken onko motoge ạidạri menakʼtakoa. Niạ sonot ṭhạ̃i khon do oḍok calakʼme, ente am dom ghạṭ akada. Noa iạte Probhu Isor do khạṭigeye sạjạimea.”

Amos 7:14

Amos do Amasiại roṛ ruạṛdea, “Iń do nạbi hõ bạń tahẽkana, ar nạbiren celahõ bạń tahẽkana; iń do mitʼṭen gupiyicʼgeń tahẽkana, ar loa darekoń ńel todarotetʼ tahẽkana.