2 Bõsbudạ 19:11 - সান্তালী বাইবেল

¹¹ “Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

2 Bõsbudạ 19:11 Referans Kwoze

2 Bõsbudạ 19:8

Jehosaphat do Jerusalemre hõ Probhu Isor huyạte bikʼcạr reakʼ ray emokʼ lạgitʼ ar jhogṛa jhạṭi miṭ maṭkatako lạgitʼ adom Liwiko, naekeko ar Israel bõsren mathakoe bahalketʼkoa. Raj ar uniren hoṛko do Jerusalemteko ruạṛ hecʼen khan uni do bikʼcạrkoe hukumatʼkoa, “Probhu Isorge botoraepe ar pạtiạr salakʼ goṭa monte kạmipe.

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Aposkạmi 11:24

Barnabas do mitʼṭen bhage hoṛe tahẽkana uni do sonot Jiu ar biswạste hõ perecʼ akane tahẽkana. Unre Probhu Isor do ḍher hoṛge acʼ apnar ṭhene ạguletʼkoa.

Luk 23:50

Joseph ńutuman mitʼṭen bhage ar dhorom hoṛ do maraṅ bạisiren sosolhaicʼe tahẽkana. Uni do Arimạthiạko metakʼ Jihudikoakʼ mitʼṭecʼ atoren hoṛe tahẽkana.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Sosolhayic̕ 2:26

Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.

Kạhtukko 2:20

Ạkilge onako khone rukhiyạmea jemon bhage hoṛkoakʼ horte, Isor botoraekankoakʼ hortem taṛam daṛeakʼ.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Sereńko 37:23

Probhu Isorge daṛean hoṛkoakʼ calakʼ hore ṭhikakoa; ar onkoakʼ jion ńelte uni doe kusikʼa.

2 Bõsbudạ 19:6

Uni do bikʼcạrkoe metatʼkoa, “Ape do sontorte jotowakʼpe kạmiya, ente jãhãe manwa lạgitʼ do baṅa bickom Probhu Isor lạgitʼgepe bicạra. Bicạr reakʼ ray emokʼ oktere uni do ape sãoteye tahena.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

1 Bõsbudạ 26:30

Hebroniạko mod khon Hosbiạ ar uni bõsren mitʼ hajar eae sae daṛean hoṛ do Probhu Isorakʼ ar rajakʼ sanamakʼ kạmi lạgitʼ jordan gaḍa reakʼ pạchim secʼren Israelko cetanreko bahal ocoyena.

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

1 Bõsbudạ 22:11

“E beṭa, Probhu Isor do ńitokʼ am sãote baṛeye tahenma; jo bahakʼme ar Probhu Isorakʼ katha leka uni lạgitʼ mitʼṭecʼ oṛakʼ benaome.

1 Bõsbudạ 6:11

Asariạren hopon Amariạ, Amariren hopon Ahiṭub,

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

1 Bõsbudạ 26:32

Jiriạwakʼ bõsren bar hajar eae sae hoṛ do daṛeankoko tahẽkana. Onko do apan ạpin gharońjren mathako tahẽkana. Dạud raj do Isor ar rajakʼ sanamakʼ kạmi lạgitʼ Rubenrenko, Gadrenko ar Manase gusṭiren adha hoṛko cetanre Hebronrenkoe bahalketʼkoa.

2 Bõsbudạ 15:7

Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’