2 Bõsbudạ 19:10 - সান্তালী বাইবেল

¹⁰ Eṭakʼ eṭakʼ ato ar nagrahakore girobasokʼ kan hoṛko ṭhen khon jãhã lekan mamblage hijukʼ: baṅ do mãyãm joro ocoakanakʼ, baṅ do ạn-ạri ar niạmko, baṅ do hukumkoge: ape do onkope sontorkoa jemon Probhu Isorakʼ mẽtʼre dusi aloko hoyokʼ. Ar baṅ khan ape ar aperen hoṛko cetanre Probhu Isorakʼ edre do pheḍ hijukʼa. Ar nonkage kạmipe, jemon dusi alope hoyokʼ.

2 Bõsbudạ 19:10 Referans Kwoze

1 Thessalonikikko 5:14

E boehako, ale do noale sikhạuetʼpe kana, okoeko kuṛhiạge onko sontorkope; ar okoeyakʼ dil bạnukʼtako onko do dil emakope; okoeko nijorge onko goṛowakope ar sanamko secʼ sombhurikate sapahaope.

Aposkạmi 20:31

Onate ape do sontor akae tahenpe. Disạipe, iń do pe bochor khon siń ńindạ mẽtʼ dakʼ joro joroteń sontor akatʼpea, ar tisge bạń thirakana.

Jeheskel 33:6

Menkhan, uni pahradar do tarwaṛe hijukʼkan ńelkaterehõ hoṛko sontorko lạgitʼ sakwa bae oroṅ, ar tarwaṛe hecʼkate jãhãe mitʼ hoṛe capoṭe, enḍekhan acʼakʼ ghạṭ iạte uni doe capoṭ ocokʼa, menkhan uni pahradarakʼ ti khon uniyakʼ mãyãm reakʼ iń hala hạliya.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Jeheskel 3:17

“E manwa hopon, Israelko lạgitʼ pahradar iń benaoakatʼmea; onate iń okań metam ona ańjomme ar iń huyạte onkom sontorkoa.

Exodus 18:16

Ar jãhãn jhogṛa jhạṭi rakapʼ lenkhange onko do ạliń ṭhenko hijukʼa ar ạliń doliń bicạr chinḍạu katako kana, ar Isorakʼ niạm ar hukumko liń bujhạu akokana.”

Numeri 17:11

Probhu Isor do Mose oka lekae hukumade tahẽkan onkageye kạmikeda.

Dosar Biboron 21:5

Ona tayom naekeko, metakʼme Liwi gusṭiren hoṛko do sapʼsosor kạmi lạgitʼko hecʼ sorokʼa, onko do Probhu Isor ńutumte hoṛko bhorakoa ar reṭepeṭe, dapal tapamre hoṛkoakʼko bicạr chinḍạutakoa ente aperen Probhu Isor do onkoe bachao akatʼkoa.