2 Bõsbudạ 18:5 - সান্তালী বাইবেল

⁵ Onate Israelren raj do nạbikoe hoho jarwaketʼkoa. Ar onkoakʼ lekha do ponsae tahẽkana. Uni do onkoe kuliketʼkoa, “Ramot-gilead upạrte lạṛhại bon calakʼa se bon ikạkakʼa?” Onkoko menkeda, “Do calakʼme, ente Isor do rajakʼ tire onae jimạ akada.”

2 Bõsbudạ 18:5 Referans Kwoze

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

2Timothi 4:3

Nonkan okteko hijukʼa tinre hoṛko do sạriyakʼ reakʼ sikhnạt bako sahao daṛeakʼa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Jirimiạ 42:20

ape do ạḍi maraṅakʼpe bhul lạgidokʼ kana. Ape do aperen Probhu Isor ṭhen niạ mentepe kolledeńa, ‘ale lạgitʼ aleren Probhu Isor ṭhen koeme; ar uni okae men ona jotowakʼge lạiyaleme ar ale do ona lekagele calakʼa.’

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

2 Bõsbudạ 18:14

Ado Mikại hecʼen khan raj do uniye kulikedea, “E Mika, ale do cetʼ Ramot-gilead upạrte lạṛhại lạgitʼle rakapʼ calakʼa se baṅa?” Mika doe roṛ ruạṛkeda, “Ma rakapʼ calakʼpe, ona akromonpe ar jitạukʼpe, ente onḍenko hoṛ do apeakʼ tireko jimạ ocoakana.”

2 Rapajko 3:13

Elisae do Israelren raje metadea, “Am tulucʼ ińakʼ do cetʼ? Am do amren ạpum ar amren eṅgamren nạbiko ṭhen calakʼme.” Israelren raje roṛ ruạṛkeda, “Baṅa, bạń calakʼa, ente Moabakʼ tire jimạle lạgitʼ Isorge ale pepe rapajkoe jarwa mitʼ akatʼlea.”

1 Rapajko 18:19

Ńitokʼ am do hoṛ kolkate Israelren sanamko Karmel burure iń ṭhen jarwakom. Ar Isebelakʼ ṭebilre Bakʼal debotaren okoe pon sae mõṛẽgel nạbi ar Aseraren pon sae nạbiko do jom ńu ocokom ar nonḍe ạgukom.”

1 Rapajko 4:13

Ramot Geliadre do Bin-Geber. Uni do Geliad Manasiren hopon Jayir reakʼ sanam ato ar Bason reakʼ Argab ṭoṭharen cakʼlaoicʼe tahẽkana. Argab ṭoṭha do pạcrite esetʼ ṭoṭha tahẽkana ar Rupạ reakʼ hurkạṛakʼ duạr sudhạ maraṅ maraṅ turuigel goṭecʼ atokoge.

2 Bõsbudạ 18:4

Tobe Jehosaphat raj do Israelren raj niạ katha hõe metadea, “Pạhilte am do Probhu Isorakʼ solha hataome.”

2 Bõsbudạ 18:6

Menkhan Jehosaphate menkeda, “Nonḍe Probhu Isorren jãhãe nạbi do cetʼ bạnukʼkoa one bon kuli daṛekeko?”

1 Rapajko 12:9

Uni do onkoe metatʼkoa, “Hoṛko meneda, ‘amren ạpum okaṭakʼ hamal arãṛe gokʼ akawatʼle ona ńitokʼ rawal kataleme.’ Niạ babotre apeakʼ sopolha do cetʼ? Iń do cetʼ iń roṛ ruạṛakoa? ”

Jirimiạ 23:16

Phạdkoren Probhu Isore meneda, “Nạbiko okaṭakʼ kathako menetʼkan ona do alope ańjoma; onko do apeakʼ monre eṛe asko janam ocoyeda. Ar Probhu Isorakʼ moca khon ańjomakʼ katha do bako roṛeda bickom akoakʼ benaoakʼ dorson reakʼ kathageko roṛetʼkana.