2 Bõsbudạ 18:2 - সান্তালী বাইবেল

^2-3 Thoṛa bochor tayom Ahab sãote ńapamokʼ lạgitʼ uni do Samariạteye senena. Ahab do uni ar uni sãoten hoṛko jom ocoko lạgitʼ aeme bhiḍi ar ḍaṅgrakoe gurketʼkoa. Israelren raj Ahab do Jihudạren Jehosaphat raj do Ramot-gileade akromon iạte acʼ tulucʼ calakʼ lạgitʼ nehõradeteye metadea, “Ramot-gilead upạrte cetʼ iń soṅgetem calakʼa. Jehosaphate roṛ ruạṛkeda, “Iń ar am, ińren hoṛ ar amren hoṛko doko mitʼgea; ale do am sãote lạṛhại calakʼ lạgitʼle rạjigea.”

2 Bõsbudạ 18:2 Referans Kwoze

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

2 Rapajko 9:1

Elisae do cela-nạbiko mod khon mitʼ hoṛ hohoadeteye metadea, “Ḍanḍa paṭhe keṭejme ar niạ sunum cukạkʼ hataokate am do Ramot-Gileadte calakʼme.

1 Rapajko 1:9

Adoniạ do On-regel aṛere Sohelot dhiri ṭhen ḍaṅgrako, bheḍako, lodgopʼ lodgopʼ bạchurkoe samaṅketʼkote acʼren boehako, metatʼme rajren hoponko ar Jihudạren sanam rajren kạmiyạkoe neotaketʼkoa.

Nehemiạ 13:6

Menkhan noako tinre hoyokʼ kan tahẽkana unre Jerusalemre do bạń tahẽkana, ente Babelren raj Artaksastowakʼ pegel bar bochor rajokʼ oktere iń do raj ṭheniń ruạṛ senlena. Niạ thoṛa din tayom rajakʼ hukum hataokate iń do Jerusalemteń ruạṛ hecʼena.

1 Rapajko 17:7

Disạmre bae dakʼetʼ tahẽkante ona soḍokʼ reakʼ dakʼ hõ ańjetʼena.

1 Rapajko 4:13

Ramot Geliadre do Bin-Geber. Uni do Geliad Manasiren hopon Jayir reakʼ sanam ato ar Bason reakʼ Argab ṭoṭharen cakʼlaoicʼe tahẽkana. Argab ṭoṭha do pạcrite esetʼ ṭoṭha tahẽkana ar Rupạ reakʼ hurkạṛakʼ duạr sudhạ maraṅ maraṅ turuigel goṭecʼ atokoge.

Josuạ 20:8

Jerikho samaṅ jordan gaḍa reakʼ purub secʼ Ruben gusṭirenkoakʼ do bilạn ṭạnḍi hahaṅkar ṭoṭha reakʼ Beserre, Gad gusṭirenkoakʼ do Gilead reakʼ Ramotre ar Manase gusṭirenkoakʼ do Bason reakʼ Golanre asrayokʼ lạgitʼ nagrahako ṭhikkeda.