2 Bõsbudạ 18:10 - সান্তালী বাইবেল

¹⁰ Unre Kenanren hopon Sedekiạ do mẽṛhẽtʼ reakʼ dereńe benaokan tahẽkana uni doe menkeda, “Probhu Isore meneda, Aramrenko ạuriko marao utạrokʼ hạbicʼ am do noatem rokʼ pạsirkoa.”

2 Bõsbudạ 18:10 Referans Kwoze

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

Jeheskel 22:28

Eṛe dorson ar eṛe gukʼniko iạte onkoren nạbiko do onkoakʼ kạmiko cetanre cunteko potaoetʼkana. Probhu Isor bae men akatʼre hõ onko doko mena, ‘Probhu Isor do noa kathae meneda.’

Jeheskel 13:7

Onko do cetʼ eṛe dorson bako ńeleda ar eṛe gona-poṛa bako kạmiyetʼ kana? Onko doko meneda, iń do noa kathań meneda, menkhan iń do bạń roṛakada.

Jirimiạ 29:21

Kolayaren hopon Ahab ar Maseyaren hopon Sedekiạ, unkin do iń ńutumte ape ṭhen eṛekin nạbiyetʼkan, unkin reaṅ iń Israelren Isor phạdkoren Probhugeń meneda, unkin do Babelren raj Nebukadnesarakʼ tireń soprotkińạ, ar uni do apeakʼ mẽtʼ samaṅregeye gocʼkinạ.

Jirimiạ 27:2

Probhu Isor do uniye metadea, “Am do harta reakʼ phitạ ar kaṭ reakʼ mitʼṭecʼ arãṛ benaokate amakʼ tarenre gogme.

Jirimiạ 23:31

Hẽ, iń do onko nạbi upạrtege minạńa okoe do akoakʼ alaṅko laṛaoetʼkan arko lại jạhiretʼkan, ‘Probhu Isore meneda.’

Jirimiạ 23:25

“Okoeko nạbi iń ńutumte eṛe kathako roṛetʼkan onkoakʼ katha doń ańjom akatʼgea. Onko doko meneda, ‘iń do mitʼṭecʼ kukmũń ńelakada, mitʼṭecʼ kukmũgeń ńelakada.’

Jirimiạ 23:21

Noko nạbiko do bạń kol akatʼkoa, enhõ onko do ahkaokʼ seletʼ akoakʼ sombat do hoṛko baḍae ocoakatʼkoa; menkhan iń do cetʼ kathage bạń lạiyakatʼkoa, enhõ onko do kathako roṛeda.

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

1 Rapajko 22:11

Unre Kenanren hopon Sedekiạ do mẽṛhẽtʼ reakʼ dereń benaokate noae roṛkeda, “Probhu Isore meneda, Aramrenko ạuriko marao utạrokʼ hạbicʼ am do noatem rokʼ pạsirkoa.”

2 Bõsbudạ 18:9

Israelren raj ar Jihudạren raj Jehosaphat do raj posak horokʼkate Samariạ nagraha reakʼ phaṭok duạr ṭhen guhum saphae khạrạire unkin do ạkinakʼ siṅghạsonre kin duṛupʼ akan tahẽkana ar sanam nạbiko do unkin samaṅre tayom daram dinko reakʼko nạbiyetʼ tahẽkana.

2 Bõsbudạ 18:11

Eṭakʼ nạbiko hõ inạ kathageko menkeda. Onko doko menkeda, “Ramot-gileadte rakapʼ calakʼme ar jitạukʼme, ente Probhu Isor do maharajakʼ tire onae jimạ akada.”