2 Bõsbudạ 17:9 - সান্তালী বাইবেল

⁹ Probhu Isorakʼ ạn-ạri reakʼ puthi soṅgekate onko do Jihudạ disạm reakʼ sanam jaegare senkate ona khonko cetʼatʼkoa.

2 Bõsbudạ 17:9 Referans Kwoze

Johan 5:46

Ape do Mosepe pạtiạuae khan honaṅ ińrehõpe pạtiạukokʼa, ente Mose do iń reaṅgeye olakada.

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Aposkạmi 15:21

Noa hukum emakoge bhagea, ente Mose okae menakatʼ ona do mimitʼ nagrahakore ạḍi laha khonge porcarokʼ kana ar uni okae ol oṭoakatʼ ona do mimitʼ jirạukʼ mãhãre sunạgogkore paṛhao idikʼkana.”

Aposkạmi 13:15

Ado sonot sostor reakʼ ạn-ạri ar nạbikoakʼ puthi khon paṛhao sạten khan sunạgogren mukhiyạko do onkoko metatʼkoa, “E boehako, jãhãn sikhạuna katha menakʼtape khan ma roṛpe.”

Aposkạmi 8:40

Menkhan Philip do Asdod nagrahareye ńelena. Ar uni do ato ato bhage sombat porcar porcarte mucạtʼre Kạisạriạteye calaoena.

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Mathae 11:1

Jisu do acʼren gelbar celako hukumakoe mucạtʼketʼ khan, uni do ato ato cetʼako ar porcar lạgitʼ onḍe khone oḍok calaoena.

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Nehemiạ 8:7

Jesua, Bani, Serebia, Jamin, Akub, Sabethai, Hodia, Makʼaseya, Kelita, Asaria, Josabad, Hanan, Pelaia-ar sanam Liwiko do onḍe teṅgo tahekan hoṛko ạn-ạri reakʼko bujhạuatʼkoa.

2 Bõsbudạ 35:3

Liwiko, okoe do sanam Israelkoko cetʼako kan tahẽkan ar Probhu Isor ńutumte okoe doko begar ocolen uni do okoe metatʼkoa, “Israelren raj Dạudren hopon Solomon do okaṭakʼ mundile benaoletʼ tahẽkan onḍe ape do sonotakʼ sindukpe dohokakʼa. Ona do tarenre ar baṅ gokʼ lagaoapea. Ńitokʼ ape do aperen Probhu Isor ar uniren hoṛko sapʼ sorakope.

2 Bõsbudạ 15:3

Israelko do ḍher din hạbicʼ sạri Isor chaḍa, naeke chaḍa ar ạn-ạriko chaḍageko calakʼkan tahẽkana.

2 Bõsbudạ 19:8

Jehosaphat do Jerusalemre hõ Probhu Isor huyạte bikʼcạr reakʼ ray emokʼ lạgitʼ ar jhogṛa jhạṭi miṭ maṭkatako lạgitʼ adom Liwiko, naekeko ar Israel bõsren mathakoe bahalketʼkoa. Raj ar uniren hoṛko do Jerusalemteko ruạṛ hecʼen khan uni do bikʼcạrkoe hukumatʼkoa, “Probhu Isorge botoraepe ar pạtiạr salakʼ goṭa monte kạmipe.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.