2 Bõsbudạ 17:6 - সান্তালী বাইবেল

⁶ Probhu Isorakʼ horte calakʼ do ạḍi ahkaokʼ mon tahẽkantaea. Ona chaḍa uni do Jihudạ disạm khon than boṭkocʼko ar Asera-muṭhạnkoe marao giḍi utạrletʼa.

2 Bõsbudạ 17:6 Referans Kwoze

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

2 Bõsbudạ 20:33

Menkhan than boṭkocʼko do unhõ bae marao utạrleda, ente hoṛko do hapṛamkoren Isor secʼ unhõ mon bako ạcurakatʼ tahẽkana.

2 Bõsbudạ 15:17

Uni do Israel khon than boṭkocʼko bae marao giḍi utạr daṛeatʼ tahẽkanre hõ uni do jiwetʼ bhor Probhu Isorgeye botoradea.

Sereńko 138:5

Onko do Probhu Isorakʼ kạmi iạteko sereńa, ente Probhu Isorakʼ ṭhonok do maraṅgea.

2 Bõsbudạ 19:3

Tobe amre thoṛa bhageakʼ hõ menakʼa, ente am do disạmren Asera-muṭhạnkom marao giḍi akatʼkoa ar Isorakʼ sana leka calakʼ lạgitʼ amakʼ monem keṭecʼakada.”

1 Rapajko 22:43

Jehosaphat do jotowakʼrege acʼren apattetʼakʼ hortegeye taṛametʼ tahẽkana, ar tishõ ona hor do bae bạgiyada. Probhu Isorakʼ mẽtʼre oka ṭhikakʼ kan onageye kạmiyetʼ tahẽkana. Menkhan than boṭkocʼko do bae marao utạrleda ar hoṛko do onḍe janwarko dãṛẽyetʼko tahẽkana ar dhup hõko jeretʼetʼ tahẽkana.

Aposkạmi 13:10

“Am do Soetanren hopon ar joto bhageakʼren bạiri kanam. Amre do joto lekan phạsiara ar bedhoromge menakʼa. Probhu Isorakʼ sojhe horko konḍeae do cetʼ bam bạgiya?

Jobakʼ 22:26

Unre sanam daṛeanicʼ iạte sạrigem rạskạkʼa ar amakʼ mẽtʼãhã do Isor secʼem rakabtama.

2 Bõsbudạ 31:1

Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.

2 Bõsbudạ 14:3

Uni do debotakoakʼ pinḍko, than boṭkocʼko ar pujạwakʼ dhirikoe rạputʼ gejer giḍikakʼ kan tahẽkana ar Asera muṭhạnko hõe makʼ giḍikada.

Dosar Biboron 28:47

Sanamakʼ sareṛakʼko tahẽkan jokhecʼ rạskạ salakʼ aperen Probhu Isor bape sewawade tahẽkante ape do tetaṅ ar ạḍi ṭonṭa talate aperen bạirikope sapʼsorakoa ente Probhu Isorge ape upạrte onkoe kolkoa. Uni do mẽṛhẽtʼ reakʼ arãṛ tarenreye gokʼapea ape ạuripe marao utạrokʼ hạbicʼ.

Exodus 34:13

Onkoakʼ pinḍkope rạputʼ giḍikatakoa, onkoakʼ pujạ reakʼ dhirikope gejertakoa ar onkoko pujạwako Asera khunṭiko hõpe rạputʼ giḍikatakoa.

2 Bõsbudạ 14:2

Asa do Probhu Isorakʼ mẽtʼre bhageakʼgeye kạmiyetʼ tahẽkana.