2 Bõsbudạ 17:5 - সান্তালী বাইবেল

⁵ Ona iạte Probhu Isor do uni tabere rajosṭiye ṭarhaokeda. Ar Jihudạren sanam hoṛko do Jehosaphat dan sandesko emadea; onate uniyakʼ dhon-durib do ḍherena ar manot hõ ḍherentaea.

2 Bõsbudạ 17:5 Referans Kwoze

2 Bõsbudạ 18:1

Jehosaphatakʼ do ạḍi utạr dhon duribko tahẽkantaea ar manot hõ tahẽkana. Uni do bapla hotete Ahab tulucʼ gateye hoylena.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Sereńko 127:1

Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

2 Bõsbudạ 32:23

Ar ḍherkoge Jerusalemre Probhu Isor ńutumte dan-sandesko ạgukeda ar Jihudạ raj do Hiskiạ lạgitʼ damanakʼ sandese ạgukeda. Onate ona okte khon sanam jạtren hoṛko do ạḍiko manotkedea.

1 Samuel 10:27

Menkhan mitʼ bar bạṛicʼ hoṛ doko menkeda, “Nui hoṛ do cetʼ lekateye rukhiyạ bona?” Onko do uniko nihạ̃tkedea ar cetʼ sandesge bako emadea. Menkhan khan Sạul do hapegeye tahẽyena.

Sereńko 68:29

Jerusalemre mitʼṭecʼ oṛakʼ menakʼa: onḍege raj do am ṭhen sandesko idiya.

Sereńko 132:12

Amren hoponko ińiń bandhao akatʼ bondobosko manao lekhan ar ińakʼ katha lekako senlen khan one okaṭakʼ iń cetʼako, enḍekhan onkoren hoponko do piṛhike piṛhi amakʼ siṅghạsonreń duṛupʼkoa.”

Sereńko 76:11

Ape do aperen Probhu Isor ṭhen manotakʼko dohoype ar ona purạuaepe. Ar okoe doe botoranicʼkan uni lạgitʼ sanam disạm khon hoṛko do dan sandesko ạguiyma.

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

2 Bõsbudạ 9:27

Solomon raj do Jerusalemre rupạ do dhiri lekae jarwakeda ar debdạru kaṭko do latar buru reakʼ loa dareko lekae hoyocokeda.

2 Bõsbudạ 1:15

Jerusalemre sona ar rupạ do dhiri lekae hoyocokeda ar debdạru kaṭko do latar buru ṭoṭha reakʼ loa dareko lekae hoyocokeda.

1 Rapajko 10:27

Jerusalemre rupạ do dhiri leka, ar debdạru kaṭko do latar buru ṭoṭha reakʼ loa dareko lekae hoyocokeda.

1 Rapajko 10:25

Ar okoeko hijukʼkan tahẽkan onko sanamkoge thoṛa baṅ thoṛa jãhãnakʼ sandesko ạguiyetʼ tahẽkana. Onako modre sona ar rupạ reakʼ bhajanko, kicricʼ khạnḍwạkʼko, khanḍa bhanḍako, jut so mosolako, sadomko ar khaccorkoko tahẽkana.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

Genesis 13:2

Abram do ạḍi kisạ̃ṛe tahẽkana. Uniren do ạḍi utạr ạsul janwarko ar sona rupạ tahẽkantaea. Tayomte uni do Negeb khone uṭhạuente Bethel hạbicʼe senena. Ar nonkate uni do Bethel ar Ae tala reakʼ ona ṭhạ̃ireye seṭerena one okareye ḍeralen ar pạhilre pinḍe benaoletʼ. Ar uni do onḍe Probhu Isore sewawadea.

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.